Ունենք ծայրահեղ ծանր 5 քաղաքացի, որոնցից մեկը երիտասարդ է. Թորոսյան
13:36
02 Ապրիլի 2020
ԵՐԵՎԱՆ, 2 ապրիլի./Նովոստի–Արմենիա/. Առավոտյան տվյալներով, ունենք ծայրահեղ ծանր 5 քաղաքացի, որոնք միացված են արհեստական շնչառության սարքին։
Загружается новость ... "Лево"
Այս մասին այսօր ասուլիսի ժամանակ հայտնեց ՀՀ առողջապահության նախարար Արսեն Թորոսյանը։
«Չորսը բավական տարեց քաղաքացիներ են, որոնք ունեն խրոնիկ հիվանդություններ։ Միայն մեկն է, որ երիտասարդ է, սակայն նրա հիվանդությունների շրջանակը պարզման ընթացքում է, քանի որ շատ անտիպիկ թոքաբորբ է տանում և վիճակը ծանր է, և բժիշկները բոլորի համար պայքարում են», –Արսեն Թորոսյանը Հայկական միասնական տեղեկատվական հարթակում կայացած ասուլիսի ժամանակ։
Նրա խոսքով, կա ուղիղ կապ տարիքի և խրոնիկ հիվանդությունների միջև։
«Դա շատ բացատրելի է բժշկագիտության տեսանկյունից, քանի որ օրգանիզմը պարզապես չի կարողանում այլ թուլացած ռեսուրսների պատճառով պայքարել վիրուսի կողմից առաջացրած պաթոգեն օղակների դեմ, հատկապես թոքերի խնդիր ունեցող քաղաքացիների, քանի որ վիրուսը խոցում է հենց թոքերի աերոլները, որոնք իրականացնում են թթվածնի փոխանակությունը թոքերի միջոցով դեպի արյուն», – պարզաբանեց նախարարը։
Ապրիլի 2–ին ժամը 11–ի դրությամբ Հայաստանում հաստատվել է կորոնավիրուսով վարակման 92 նոր դեպք, ընդհանուր` 663 դեպք։
Բուժվել է 33 մարդ, այս պահին փաստացի բուժում է ստանում 626 մարդ, բացասական թեստերի թիվը` 2940, մահացել է 4 մարդ։–0–
Բիբլոս Բանկ Արմենիան իր կրթական ծրագրերի շրջանակում աջակցել է ամերիկացի բիզնես խորհրդատու Քլեյթոն Մ․ Քրիստենսենի «Նորարարի երկընտրանքը» գրքի հայերեն թարգմանությանն ու հրատարակությանը «Անտարես» հրատարակչության կողմից