Թուրքական ավիաընկերությունը շաբաթական 3 անգամ կատարելու է Ստամբուլ–Երևան չվերթեր, տոմսերն արդեն վաճառքում են
19.01.2022,
13:26
Թուրքական ավիաընկերությունը շաբաթական 3 անգամ կատարելու է Ստամբուլ–Երևան չվերթեր, տոմսերն արդեն վաճառքում են
ԵՐԵՎԱՆ, 19 հունվարի./Նովոստի–Արմենիա/. Pegasus Airlines թուրքական ավիաընկերությունը բացել է Ստամբուլ–Երևան չվերթի տոմսերի վաճառքը։ Չվերթն իրականացվելու է շաբաթական երեք անգամ։ Այս մասին չորեքշաբթի ՏԱՍՍ–ին հայտնել է ավիափոխադրողի ներկայացուցիչը։
Загружается новость ... "Лево"
«Այս ուղղությամբ տոմսերի վաճառքները սկսվել են, առաջին չվերթը նախատեսված է փետրվարի 2–ին։ Սպասվում է, որ կկազմակերպվի շաբաթական երեք չվերթ», – ասել է գործակալության զրուցակիցը։
Ավելի վաղ Հայաստանի և Թուրքիայի ավիացիոն իշխանությունները Flyone Armenia (Հայաստան) և Pegasus Airlines (Թուրքիա) ավիաընկերություններին թույլատրել են կատարել Երևան–Ստամբուլ–Երևան չվերթերը։Նշենք, որ 1993թ.–ին Թուրքիան միակողմանի փակել է Հայաստանի հետ օդային և ցամաքային սահմանները։ Օդային սահմանը բացվել է 1995թ.–ին։–0–
Պատճենել հղումը
