ԵՐԵՎԱՆ, 14 մայիսի./Նովոստի–Արմենիա/. ՀՀ առողջապահության նախարար Արսեն Թորոսյանն այսօր Facebook–յան իր էջում անդրադարձել է COVID-19-ի հետ կապված տիվրող իրավիճակին։
«Եկեք առնվազն լրջանանք, որովհետև այս ամենն ինչ տեղի է ունենում, տևելու է շատ երկար», – ասել է Թորոսյանը։
Նրա խոսքով, իր համար անահասկանալի է այս զավեշտը, այս կատակի վերածելը կամ սրամտելը այս ամեն ինչի վրա։
Загружается новость ... "Лево"
«Ինձ անկեղծ ասած այս ամենը շատ է հիասթափեցնում։ Մենք ինչի՞ վրա ենք սրամտում, որ մենք այս կամ այն սահմանափակումը, միևնույն է, չենք անելու և, միևնույն է, մենք շատ հիվանդանալու ենք, միևնույն է, մենք շատ մահեր ենք տալու, դրա վրա՞ ենք սրամտում, թե՞ մենք կարող ենք մի քիչ մեր ներքին քննադատությունը զարգացնել և փորձել այդ ամենն իրագործել, նույնիսկ եթե դա այդքան էլ սովորական չէ մեզ համար, մենք սովոր չենք դիմակ կրելուն, օրինակ հանրային տրանսպորտում կամ այլ փակ վայրում կամ աշխատանքի վայրում»,- ասաց նախարարն` ավելացնելով, որ մենք առնվազն պետք է մի քիչ լրջանանք։
«Այսօր աշխատանքային հեռավար քննարկման եմ եղել՝ աշխարհի 6 երկրների հետ, աշխարհի տարբեր ծայրերում։ Մենք փոխանակվեցինք փորձով, բոլորի մոտ էլ նույն վիճակն է մոտավորապես։ Մի տեղ քիչ դեպքեր, մի տեղ՝ շատ։ Վերջում մի ամփոփիչ նոտա եղավ, որ եթե նույնիսկ հայտնաբերվի այս հիվանդությունը բուժելու դեղամիջոցը կամ պատվաստանյութը, որը ավելի քիչ հավանական է կամ ավելի ուշ կլինի, միևնույն է, կորոնավիրուսային համավարակի վերջը հնարավոր է տեսանելի լինի ոչ շուտ քան 5 տարի հետո», – նշեց նախարարը` հավելելով, որ նա դա չի ասում, վախեցնելու կամ խուճախ տարածելու համար։
Հայաստանում մայիսի 14-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 3860 դեպք, որոնցից 1572-ն` առողջացած, 49-ը` մահվան ելքով:-0-