628.19
6.99
521.45
+20
Եղանակը Երևանում
Հայ

Քրեական հոդվածներով հաղորդումներ կներկայացվեն դատարան Արտակ Դավթյանին ԳՇ պետ համարելու՝ կառավարության հայտարարության մասին. Օնիկ Գասպարյանի փաստաբան

12:42
22 Մարտի 2021

ԵՐԵՎԱՆ, 22 մարտի./Նովոստի–Արմենիա/. ՀՀ կառավարությունն այսօր հայտարարությամբ հանդես եկավ՝ նշելով, որ Արտակ Դավթյանն իրավունքի ուժով համարվում է նշանակված ՀՀ ԶՈՒ գլխավոր շտաբի պետի պաշտոնին, մինչդեռ, օրեր առաջ ՀՀ վարչական դատարանը` դատավոր Մհեր Պետրոսյանի նախագահությամբ, բավարարել է ՀՀ ԶՈՒ ԳՇ պետ Օնիկ Գասպարյանի գործով հայցի ապահովման միջոց կիրառելու մասին փաստաբանի միջնորդությունը, որով պահանջվել էր կասեցնել Օնիկ Գասպարյանի պաշտոնանկությունը մինչև գործով վերջնական դատական ակտի կայացումը։ 

«Վարչական դատարանի որոշումը կայացված է, ուժի մեջ է ու պարտադիր է բոլորի համար», - ասել է Օնիկ Գասպարյանի փաստաբան Արթուր Հովհաննիսյանը, հաղորդում է aysor.am–ը։ 

«Երբ վարչապետը նման հայտարարություն է անում, ընդամենն ասում է՝ «ես արհամարհած ունեմ մեր երկրում դատական իշխանության փաստաթղթերը»», - նշել է փաստաբանը։

Նա ասել է, թե կառավարության այս հայտարարության հետևանքները և քրեաիրավական են, և վարչաիրավական. համապատասխան հաղորդումները հանցագործության մասին կներկայացվեն իրավասու մարմիններին։

«Համապատասխան ընթացակարգերով մենք առաջ ենք գնալու, մեր քայլերը կարվեն ու շուտով արդյունքների մասին հանրությանը կտեղեկացնենք, բայց այն, ինչ հիմա կատարվում է, անընդունելի է, իրավական պետությանը հարիր երևույթ չէ, իրավունքի գերակայության մասին մենք այլևս չենք կարող խոսել», - ասել է Օնիկ Գասպարյանի փաստաբանը։

Հովհաննիսյանը շեշտել է՝ գործադիրը «թքած ունի դատական իշխանության թղթերի վրա»։

«Մեր խորին համոզմամբ՝ նույն կերպ լինելու են արտահերթ ընտրությունները. կեղծվելու են ընտրությունները և դատական կարգով եթե անձիք որոշեն վերականգնեն իրենց իրավունքները, նույն հետևանքներն են լինելու, բանի տեղ չեն դնելու դատական ակտերը», - ասել է նա։

Փաստաբանը տեղյակ չէ՝ արդյոք այսօր աշխատանքի գնացել է Օնիկ Գասպարյանը, սակայն, նրա խոսքով, իրավական հարցն այն չէ՝ գնո՞ւմ է, թե՞ չի գնում, «դատական ակտը Գասպարյանի գնալ-չգնալով չէ, որ պետք է կատարվեր»։

«Դատական ակտը պետք է կատարվեր հետևյալ կերպ՝ այսօր հայտարարություն չպետք է տրվեր, պաշտպանության նախարարը պետք է Գլխավոր շտաբի ռեզերվից հաներ պարոն Գասպարյանին, այլ ընթացակարգեր էլ կային, պետք է արվեին, որպեսզի Օնիկ Գասպարյանը դատական ակտի հիման վրա իր լիազորությունները ստանձնի ու իրականացնի, ինչը չարվեց. պաշտոնեական դիրքի չարաշահում է», - ասել է փաստաբանը։

Հիշեցնենք, որ 2021թ.–ի մարտի 10–ին կառավարության կայքում հրապարակվել է ՀՀ վարչապետ Նիկոլ Փաշինյանի հայտարարությունն այն մասին, որ գեներալ–լեյտենանտ Օնիկ Գասպարյանը համարվում է ազատված ԳՇ պետի պաշտոնից իրավունքի ուժով։ Համաձայն չլինելով այդ որոշման հետ` Գասպարյանը դիմել էր Վարչական դատարան, որը կայացրել էր հայցի ապահովման միջոց կիրառելու որոշում։ Մարտի 18–ին Գասպարյանի փաստաբանը հայտարարել է, որ նա կշարունակի զբաղեցնել ԳՇ պետի պաշտոնը։ Նույն օրը վարչապետի աշխատակազմը պարզաբանում է ներկայացրել` նշելով, որ Օնիկ Գասպարյանը սահմանադրական նորմի հիմքով ազատվել է ԳՇ պետի պաշտոնից։ Այսօր Փաշինյանը հայտարարեց, որ Արտակ Դավթյանն իրավունքի ուժով համարվում է նշանակված ՀՀ ԶՈՒ գլխավոր շտաբի պետի պաշտոնին։–0–

Partners News
ԱՌԿԱ գործակալություն
Բաժնի այլ նյութեր
20:31
06 Մայիսի 2021
Բաքուն մանիպուլացնում է ռազմագերիների վերադարձի հարցը, իրականացնում է հակահայկական վակխանալիա. Փաշինյանը` Լավրովին (ՎԻԴԵՈ)
Բաքուն մանիպուլացնում է ռազմագերիների վերադարձի հարցը, իրականացնում է հակահայկական վակխանալիա. Փաշինյանը` Լավրովին.ՎԻԴԵՈ
18:39
06 Մայիսի 2021
ՎՏԲ-Հայաստան Բանկն առաջարկում է վճարային քարտեր ուսանողներին
ՎՏԲ-Հայաստան Բանկը, միջազգային Visa վճարահաշվարկային համակարգի հետ համատեղ, մեկնարկել է iStudent քարտը, որը նախատեսված է միջին մասնագիտական և բարձրագույն ուսումնական հաստատությունների ուսանողների համար
16:03
06 Մայիսի 2021
Հայտնի է, թե որ կուսակցությունների հետ է դաշինք կազմում Ռոբերտ Քոչարյանը
Հայտնի է, թե որ կուսակցությունների հետ է դաշինք կազմում Ռոբերտ Քոչարյանը
14:55
06 Մայիսի 2021
Լավրով. ՌԴ-ն և Հայաստանը քննարկում են «Սպուտնիկ V» պատվաստանյութի արտադրություն սկսելու հարցը
Լավրովը հայտարարել է, որ ՌԴ-ն և Հայաստանը քննարկում են «Սպուտնիկ V» պատվաստանյութի արտադրություն սկսելու հարցը
14:15
06 Մայիսի 2021
Հայաստանը փոխում է կարանտինի կարգը. ովքե՞ր և ինչպե՞ս կարող են մուտք գործել երկիր
Հայաստանը փոխում է կարանտինի կարգը. ովքե՞ր և ինչպե՞ս կարող են մուտք գործել երկիր
13:07
06 Մայիսի 2021
Լատվիան պաշտոնապես ճանաչեց Հայոց ցեղասպանությունը
Լատվիան պաշտոնապես ճանաչեց Հայոց ցեղասպանությունը
12:19
06 Մայիսի 2021
24 ժամ ջուր չի լինելու Երևանի 3 վարչական շրջաններում` այդ թվում կենտրոնում, Արմավիրի, Արարատի և Կոտայքի մի շարք հասցեներում
24 ժամ ջուր չի լինելու Երևանի 3 վարչական շրջաններում` այդ թվում կենտրոնում, Արմավիրի, Արարատի և Կոտայքի մի շարք հասցեներում
11:03
06 Մայիսի 2021
Կորոնավիրուսը Հայաստանում. հաստատվել է 425 նոր դեպք, 714 մարդ առողջացել է, 14 մարդ մահացել է
Կորոնավիրուսը Հայաստանում. հաստատվել է 425 նոր դեպք, 714 մարդ առողջացել է, 14 մարդ մահացել է
11:00
06 Մայիսի 2021
Զինծառայությունից խուսափածների նկատմամբ կհայտարարվի համաներում. ԱԺ–ն ընդունեց օրինագիծը
Զինծառայությունից խուսափածների նկատմամբ կհայտարարվի համաներում. ԱԺ–ն ընդունեց օրինագիծը
21:08
05 Մայիսի 2021
Փաշինյանը մեկնաբանել է Լևոն Տեր–Պետրոսյանի սկանդալային հայտարարությունը
Փաշինյանը մեկնաբանել է Լևոն Տեր–Պետրոսյանի սկանդալային հայտարարությունը
20:54
05 Մայիսի 2021
Երևանում վաղվանից գործարկվում է 74 համարի երթուղին` նոր, կոմպակտ ավտոբուսներով (ՖՈՏՈ)
Երևանում վաղվանից գործարկվում է 74 համարի երթուղին` նոր, կոմպակտ ավտոբուսներով.ՖՈՏՈ
19:07
05 Մայիսի 2021
Լևոն Տեր–Պետրոսյանը հրապարակել է մի փաստ, որը մինչ այժմ գաղտնիք է մնացել հասարակության համար
Լևոն Տեր–Պետրոսյանը հրապարակել է մի փաստ, որը մինչ այժմ գաղտնիք է մնացել հասարակության համար