570.68
6.59
485.23
+26
Եղանակը Երևանում
Հայ

Փոփոխություններ` տնտեսական գործունեության սահմանափակումներում. պարետը նոր որոշում է հրապարակել (ՑԱՆԿ)

22:07
22 Ապրիլի 2020

ԵՐԵՎԱՆ, 22 ապրիլի./Նովոստի–Արմենիա/. ՀՀ փոխվարչապետ, արտակարգ դրության ժամանակ պարետատան պարետ Տիգրան Ավինյանը քիչ առաջ որոշում է հրապարակել, որով փոփոխություններ են կատարվել տնտեսական գործունեության սահմանափակումներում։

Նշենք, որ մարտի վերջից, կորոնավիրուսի հետ կապված իրավիճակի պատճառով, Հայաստանի տարածքում թույլատրվում էր միայն սննդամթերքի արտադրության և առևտրի հետ կապված տնտեսական գործունեությունը։ Ապրիլի 13–ից հնարավորություն տրվեց նաև աշխատել տնտեսության մի շարք ոլորտներին։

Եվ այսպես, այսօրվա որոշմամբ, թույլատրվում է գյուղատնտեսության մի շարք տեսակների գործունեությունը` ոչ բազմամյա մշակաբույսերի աճեցումը, անասնաբածությունը, անտառաբածությունը, ձկնորսությունը, ձկնաբուծությունը և այլն։

Հանքագործական արդյունաբերության ոլորտում թույլատրվում է բնական գազի արդյունահանումը, երկաթի հանքաքարի արդյունահանումը, նավթի և բնական գազի արդյունահանման բնագավառում օժանդակ ծառայությունների մատուցումը և այլն։

Մշակող արդյունաբերության ոլորտում թույլատրվում է մսի մշակումը և պահածոյացումը, մսամթերքի արտադրությունը, ձկների, խեցեմորթների և կակղամորթների մշակումը և պահածոյացումը, ծխախոտային արտադրատեսակների արտադրությունը և այլն։ Չի թույլատրվում հագուստի արտադրությունը (բացի մորթե հագուստից), mորթե արտադրատեսակների արտադրությունը, տրիկոտաժե արտադրատեսակների արտադրությունը, կոշիկի արտադրությունը, բնափայտի սղոցումը և ռանդումը, փայտից, խցանակեղևից, ծղոտից և հյուսկեն նյութերից արտադրատեսակների արտադրությունը։

Загружается новость ... "Лево"

Պարետի որոշմամբ, թույլատրվում է օճառի և մաքրող, լվացող ու փայլեցնող միջոցների, օծանելիքի և կոսմետիկական միջոցների արտադրությունը, հիմնական դեղագործական արտադրանքի արտադրությունը, բժշկական և ատամնաբուժական գործիքների ու սարքերի արտադրությունը։

Ինչ վերաբերում է մանրամեծածախ առևտրին, ապա պարետի այսօրվա որոշմամբ, թույլատրվում է մեծածախ առևտուր վարձատրությամբ կամ պայմանագրային հիմունքով (բացառություններ` մեքենաների, արդյունաբերական սարքավորանքի, նավերի և թռչող սարքերի առևտրով զբաղվող գործակալների գործունեությունը, կահույքի, կենցաղային ապրանքների, երկաթեղենի և այլ մետաղական արտադրատեսակների առևտրով զբաղվող գործակալների գործունեությունը, մանածագործական արտադրատեսակների, հագուստի, կոշկեղենի և կաշվե արտադրատեսակների առևտրով զբաղվող գործակալների գործունեությունը, լայն տեսականու ապրանքների առևտրով զբաղվող գործակալների գործունեությունը)։ 

Թույլատրվում է նաև տեղեկատվական տեխնոլոգիաների և հեռահաղորդակցության բնագավառում կիրառվող սարքավորանքի մեծածախ առևտուրը, մանրածախ առևտուրը ոչ մասնագիտացված խանութներում, շարժիչային վառելիքի մանրածախ առևտուրը մասնագիտացված խանութներում, մանրածախ առևտուր կրպակներից, տաղավարներից կամ շուկաներից դուրս և այլն։

Չի թույլատրվում կենցաղային ապրանքների մեծածախ առևտուրը, ոչ մասնագիտացված մեծածախ առևտուրը (հնարավոր է հեռավար` առցանց), տեղեկատվական տեխնոլոգիաների և հեռահաղորդակցության բնագավառներում կիրառվող սարքավորանքի մանրածախ առևտուրը մասնագիտացված խանութներում, մշակութային և հանգստի համար ապրանքների մանրածախ առևտուրը մասնագիտացված խանութներում, մանրածախ առևտուր կրպակներում և շուկաներում և այլն։

Նշենք, որ այս բոլոր կետերն ունեն իրենց բացառությունները։

Загружается новость ... "Право"

«Այն կազմակերպություններում, որտեղ աշխատանքային տարածքը հնարավորություն չի տալիս պահպանել սոցիալական հեռավորությունը, արտակարգ դրության ժամանակահատվածում պետք է սահմանվի հերթափոխային աշխատանք ՀՀ աշխատանքային օրենսգրքով սահմանված կարգավորումներին համապատասխան: Յուրաքանչյուր աշխատանքային հերթափոխից հետո աշխատանքային տարածքում պետք է իրականացվեն ախտահանիչ միջոցառումներ», – նշվում է որոշման մեջ։

Որոշման մեջ նաև նշվում է, որ 20 քառակուսի մետր և ավելի մակերես ունեցող առևտրի օբյեկտներում պետք է պահպանել սոցիալական հեռավորություն՝ ապահովելով յուրաքանչյուր անձի համար 8 քառակուսի մետրից ոչ պակաս տարածք, իսկ մինչև 20 քառակուսի մետր մակերես ունեցող առևտրի օբյեկտներում` միաժամանակ առավելագույնը 2 անձի ներկայություն:

Որոշումն ուժի մեջ է մտնում 2020 թվականի ապրիլի 22-ին՝ ժամը 23:59-ից

Պարետի ամբողջական որոշմանը և տնտեսական գործունեության բոլոր ոլորտներին ծանոթանալու համար կարելի է անցնել հետևյալ հղումով։

Հայաստանում ապրիլի 22–ի դրությամբ հաստատվել է կորոնավիրուսով վարակման 1473 դեպք, առողջացել է 633 մարդ, 24 մարդ, ցավոք, մահացել է։–0–

Partners News
Partners News
ԱՌԿԱ գործակալություն
Բաժնի այլ նյութեր
17:57
10 Օգոստոսի 2020
Սովորողները կգնան դպրոց. ԿԳՄՍ նախարարը հայտնել է, թե երբ կվեսկսվեն դասերը
Սովորողները կգնան դպրոց. ԿԳՄՍ նախարարը հայտնել է, թե երբ կվեսկսվեն դասերը

17:48
10 Օգոստոսի 2020
Վլադիմիր Գասպարյանի շուրջ սկանդալը թեժանում է. հարուցվել է քրեական գործ. ՄԱՄՈՒԼՆ ԱՅՍՕՐ (ՎԻԴԵՈ)
Վլադիմիր Գասպարյանի շուրջ սկանդալը թեժանում է. հարուցվել է քրեական գործ. ՄԱՄՈՒԼՆ ԱՅՍՕՐ. ՎԻԴԵՈ
11:30
10 Օգոստոսի 2020
ՀՀ-ում նախօրեին կորոնավիրուսից առողջացել է 96, մահացել՝ 5 մարդ․ ԱՆ-ն մանրամասնում է
ՀՀ-ում նախօրեին կորոնավիրուսից առողջացել է 96, մահացել՝ 5 մարդ․ ԱՆ-ն մանրամասնում է
11:00
10 Օգոստոսի 2020
ՀՀ–ում մեկ օրում կորոնավիրուսի 23 նոր դեպք է հաստատվել. կատարվել է ընդամենը 340 թեստավորում
ՀՀ–ում մեկ օրում կորոնավիրուսի 23 նոր դեպք է հաստատվել. կատարվել է ընդամենը 340 թեստավորում
17:00
09 Օգոստոսի 2020
Զով ամառը շարունակվում է. Սուրենյանը ներկայացրել է առաջիկա օրերի կանխատեսումը
Զով ամառը շարունակվում է. Սուրենյանը ներկայացրել է առաջիկա օրերի կանխատեսումը
12:39
09 Օգոստոսի 2020
Հայկ Մարությանը դպրոցների տնօրեններ է նշանակել
Հայկ Մարությանը դպրոցների տնօրեններ է նշանակել
12:03
09 Օգոստոսի 2020
225 դեպք' 1 օրում. Հայաստանում կորոնավիրուսի դեպքերի թիվը հասավ 40410-ի
225 դեպք' 1 օրում. Հայաստանում կորոնավիրուսի դեպքերի թիվը հասավ 40410-ի, մահացել է 6 մարդ
11:47
09 Օգոստոսի 2020
Գագիկ Ծառուկյանը ցույց է տվել Հայաստանի զարդը (ՖՈՏՈ)
Գագիկ Ծառուկյանը ցույց է տվել Հայաստանի զարդը. ՖՈՏՈ
10:15
09 Օգոստոսի 2020
Ռոբերտ Նազարյանը ազատության մեջ կմնա
Դատարանը մերժել է Ռոբերտ Նազարյանին կալանավորելու վերաբերյալ միջնորդությունը
23:55
08 Օգոստոսի 2020
Հայաստանը մարդասիրական օգնություն ուղարկեց Լիբանան (ՖՈՏՈ, ՎԻԴԵՈ)
Մարդասիրակա օգնությամբ առաջին ինքնաթիռը Հայաստանից ուղևորվեց Լիբանան․ ՖՈՏՈ, ՎԻԴԵՈ
21:05
08 Օգոստոսի 2020
Սևանի ափամերձ տարածքներում 3.800 ապօրինի շենք-շինություն կա․ բոլորը ենթակա ապամոնտաժման և քանդման (ՖՈՏՈ)
«Սևան» ազգային պարկի տարածքում՝ Սևանա լճի ափամերձ գոտում կա ապօրինի հողազավթումների և ինքնակամ կառուցապատումների զուգակցությամբ շուրջ 130 տնտեսվարման դրվագ․ ՖՈՏՈ
19:08
08 Օգոստոսի 2020
Կարճատև անձրև և ամպրոպ, առանձին վայրերում՝ նաև կարկուտ․ առաջիկա օրերի եղանակը Հայաստանում
Ներկայացնում ենք առաջիկա 5 օրերի եղանակի տեսությունը