Փաշինյանը ներկայացրեց կորոնավիրուսով վարակման օրական վիճակագրությունն ու հիվանդների և մահացածների միջին տարիքը (ՎԻԴԵՈ)

ԵՐԵՎԱՆ, 11 ապրիլի./Նովոստի–Արմենիա/. ՀՀ վարչապետ Նիկոլ Փաշինյանը Facebook–յան էջի ուղիղ եթերում ներկայացրել է նոր տեղեկատվություն ՀՀ–ում կորոնավիրուսի դեպքերի մասին։

«Ունենք կորոնավիրուսի հաստատված 977 դեպք, երեկվանից այսօր` 30 նոր դեպք։ Ձեռքիս տակ վիճակագրական տվյալներ են, որոնք թարմացվում են օնլայն ռեժիմում», – պարզաբանեց նա։

Վարչապետի խոսքով, այս պահին բուժհաստատություններում է գտնվում 750 հիվանդ, 13 մարդ, ցավոք, մահացել է։


«Ուզում եմ նշել, որ մահացածների միջին տարիքը 76,2 է, հիվանդներինը` 42։ Այս վիճակագրությունը կրկին հաստատում է այն տեղեկատվությունը, որ կորոնավիրուսը հատկապես վտանգավոր է մեծահասակ քաղաքացիների համար»,– ավելացրեց նա։

Մարտի 16-ից ապրիլի 14-ը Հայաստանում, կորոնավիրուսի տարածումը կանխելու նպատակով, գործում է արտակարգ դրություն: Արտակարգ դրության պայմաններում Հայաստանում ազատ տեղաշարժի և տնտեսական գործունեության որոշ տեսակների սահմանափակումները (նախկինում գործում էր մարտի 24-ից մարտի 31-ը) երկարաձգվել են մինչև ապրիլի 12-ը ներառյալ:

Ապրիլի 11–ի դրությամբ գրանցվել է կորոնավիրուսի 966 դեպք, բուժվել է 173 մարդ, 13 մարդ, ցավոք, մահացել է։–0–