ԵՐԵՎԱՆ, 3 հուլիսի./Նովոստի–Արմենիա/. Առողջապահության նախարար Արսեն Թորոսյանը հայտարարել է, որ առնվազն չկա պայթյունավտանգ իրավիճակ կորոնավիրուսի հետ կապված։
Загружается новость ... "Лево"
«Բոլոր կանխատեսումներով, հիմա օրինակ մենք պետք է ունենայինք 30 հազարից ավել դեպք, բայց ունենք 27 հազար։ Այսինքն, մենք ինչ–որ չափով կարողանում ենք զսպել տարածումը։ Կարծես թե ուղիղ գծի վրա ենք հունիսի կեսերից սկսած», – նշեց Թորոսյանն այսօր ճեպազրույցի ժամանակ։
Անդրադառնալով այն հարցին, որ բնակչությունն ահազանգում է, որ շնչահեղձ վիճակում մինչև թեստի պատասխանը չի լինում, չեն տեղափոխում հիվանդանոցային պայմաններում բուժման`նախարարը կոչ արեց չմոռանալ, որ հիմա մենք գտնվում ենք համաճարակի մեջ, որը կրկնակի, եռակի ավել բեռ է առողջապահական համակարգի վրա։
«Առնվազն Հայաստանում կորոնավիրուսով բոլոր հիվանդները ստանում են պատշաճ բուժօգնություն, և այս առումով կառավարության ջանքերը ողջամիտ և տեղին են», – հայտարարեց Թորոսյանը։
Հուլիսի 3-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 27320 դեպք, որոնցից 15484-ն` առողջացած, 469-ը` մահվան ելքով:–0–