ԵՐԵՎԱՆ, 1 մարտի./Նովոստի–Արմենիա/. ՀՀ վարչապետ Նիկոլ Փաշինյանը խնդրեց չհեռանալ Ծաղկաձորից այն բանի պատճառով, որ տեղի հյուրանոցում մեկուսացվել են կորոնավիրուսի կասկածով 31 մարդ։
Կիրակի գիշերը Հայաստանում
գրանցվել է կորոնավիրուսով վարակման հաստատված դեպք։ Հիվանդը Հայաստանի 29-ամյա քաղաքացի է, ով Հայաստան է ժամանել Թեհրանից փետրվարի 28-ին իր կնոջ հետ։ Նա ինքն է դիմել բժշկի։ Ծաղկաձորում մեկուսացման մեջ գտնվում է վարակվածի հետ շփման մեջ եղած 32 մարդ։
«Մեր հայրենակիցը չունի ջերմություն։ Նա գտնվում է ինֆեկցիոն հիվանդանոցում, սակայն որևէ բուժում չի իրականացվում, քանի որ դրա անհրաժեշտությունը չկա։ Մեկուսացման մեջ գտնվող 31 մարդու մոտ ևս չկա ջերմություն և հիվանդության նախանշաններ։ Ուզում եմ շնորհակալություն հայտնել համաքաղաքացիներին, ովքեր գործեցին համակարգված և չստեղծեցին խնդիրներ։ Նրանք տեղափոխվել են «Գոլդեն Փելես» հյուրանոց, և մենք նրանց համար ստեղծում ենք չորս աստղանի հյուրանոցի պայմաններ», – ասաց Փաշինյանը Facebook–ում ուղիղ եթերի ժամանակ։
Նա նաև տեղեկացրեց, որ տեղեկություններ են ստացվում, որ մարդիկ հեռանում են Ծաղկաձորից և հրաժարվում են ավելի վաղ ամրագրված համարներից։
«Ուզում եմ վստահեցնել, որ Ծաղկաձորում համաճարակաբանական վիճակը չի վատացել։ Կորոնավիրուսի ախտորոշման հավանականությունը 50/50 է։ Ինչպես արդեն նշել եմ, կորոնավիրուսով վարակված տղամարդու կնոջ մոտ հիվանդություն չի ախտորոշվել։ Խուճապի պատճառ չկա», – ասաց Փաշինյանը։
Նա նաև խնդրեց քաղաքացիներին Ծաղկաձորը չհամարել ռիսկային գոտի, մյուս հյուրանոցներում կյանքը պետք է շարունակվի սովորական ռեժիմով։
Ավելի ուշ Փաշինյանը Facebook–յան իր էջում հայտնեց, որ ընտանիքով որոշել են այս երեկոն անցկացնել Ծաղկաձորում, նաև կգիշերեն հյուրանոցներից որևէ մեկում։
Նա նաև մեկնաբանեց հարցն այն մասին, թե որքանով ճիշտ կլիներ ամբողջովին դադարեցնել ավիահաղորդակցությունն Իրանի հետ։ Փաշինյանը նշեց, որ սխալ կլիներ թույլ չտալ, որպեսզի ՀՀ քաղաքացիները վերադառնան Հայրենիք։ Եթե մնար միայն ցամաքային հաղորդակցությունը, ապա այդ դեպքում շրջապատողների հետ վարակվածների շփման հավանականությունն ավելի բարձր կլիներ։
Վարչապետի խոսքով, բեռնափոխադրումներն իրականացվում են սովորական ռեժիմում։ Քանի դեռ չկան լուրջ պատճառներ, դրանք պետք է շարունակվեն։ Հակառակ դեպքում շուկայում կսկսվեն ցնցումներ, ինչն անթույլատրելի է։ Այն պահին, երբ կառավարությունը հասկանա, որ պետք է ընդունել նման որոշում, այն կընդունվի։
«Մենք չենք կարող փակել հաղորդակցության բոլոր ուղիները, քանի որ հիվանդությունը տարածվել է բազմաթիվ երկրներում։ Մենք առանց այդ էլ սահմանների հետ կապված խնդիրներ ունենք` չորսից երկուսը փակ է», – ընդգծեց վարչապետ Փաշինյանը։–0–