ԵՐԵՎԱՆ, 13 հունվարի./Նովոստի–Արմենիա/. 2022 թ.–ի հունվարի 15-ից մինչև ապրիլի 15-ը` երեք ամիս ժամկետով կկազմակերպվեն պահեստազորի առաջին խմբում հաշվառված շարքային, կրտսեր ենթասպայական և սպայական կազմերի պահեստազորայինների վարժական հավաքներ։ Այս որոշումն ընդունվել է այսօր կառավարության նիստի ժամանակ։
Վարժական հավաքներին կներգրավվեն մինչև 65 քաղաքացիները, որոնցից 20-ը` բժշկական մասնագիտություններ ունեցող սպայական և 45-ը՝ ինժեներական մասնագիտություններ ունեցող շարքային և կրտսեր ենթասպայական կազմերի պահեստազորայիններ:
Այդ ընթացքում ռազմատրանսպորտային պարտականություններ ունեցող մարմիններից կներգրավվի մինչև 45 միավոր տրանսպորտային միջոց, մասնավորապես, 39 բուլդոզեր և 6 էքսկավատոր:
Ինչպես նշվում է որոշման հիմնավորման մեջ, նախագծի ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման հավաքների անցկացման, անհրաժեշտությամբ:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
