Հայաստանում ևս մեկ մարդ է մահացել կորոնավիրուսից. Փաշինյան (ՎԻԴԵՈ)

ԵՐԵՎԱՆ, 6 ապրիլի./Նովոստի–Արմենիա/. Ցավոք ևս մեկ մահվան դեպք ենք ունեցել, 68–ամյա մեր հայրենակիցը մահացել է երկկողմանի պոլիսեգմենտալ ձուլվող թոքաբորբ ախտանիշով, որը ենթադրաբար կորոնավիրուսի հետևանք է, Facebook–յան էջում ուղիղ եթերի ժամանակ հայտնել է ՀՀ վարչապետ Նիկոլ Փաշինյանը։

«Նա ունեցել է շարաքային դիաբետ, զարկերակային հիպերտենզիա, ուղեղի արյան շրջանառության սուր խանգարում իշեմիկ տիպի։ Այսինքն այս դեպքում էլ մենք գործ ունենք այն երևույթի հետ, երբ խրոնիկ հիվանդություններն անում են իրենց սև գործը», – նշել է Փաշինյանը։–0–