Հարյուրավոր մահեր. Ավինյանը նշել է, թե ինչպես կտարածվեր կորոնավիրուսը, եթե չլիներ արտակարգ դրություն

ԵՐԵՎԱՆ, 13 ապրիլի./Նովոստի–Արմենիա/. Փոխվարչապետ, արտակարգ դրության ժամանակ պարետատան պարետ Տիգրան Ավինյանը ներկայացրել է կորոնավիրուսի տարածման հնարավոր սցենարը, եթե չհայտարարվեր արտակարգ դրություն։

Նրա խոսքով, եթե ոչ մի միջոց չձեռնարկվեր, ապա վարակված կլիներ բնակչության 89%–ը։ 

«Երևանում հոսպիտալացում պահանջող ծանր դեպքերի թիվը կհասներ 8,2 հազարի։ Ես ի նկատի ունեմ ծայրահեղ ծանր դեպքերը, քանի որ Երևանում միաժամանակ կվարակվեր 110 հազար մարդ։ Նման սցենարի դեպքում առողջապահական համակարգն ի վիճակի չէր լինի սպասարկել վարակի անգամ ընթացիկ դեպքերը», – ասաց Ավինյանը։

Նրա խոսքով, եթե իրավիճակը զարգանար նման սցենարով, ապա այսօր Երևանում կլիներ 30 հազար վարակակիր և հարյուրավոր մահացածներ։