ԵՐԵՎԱՆ, 13 ապրիլի./Նովոստի–Արմենիա/. Փոխվարչապետ, արտակարգ դրության ժամանակ պարետատան պարետ Տիգրան Ավինյանը ներկայացրել է կորոնավիրուսի տարածման հնարավոր սցենարը, եթե չհայտարարվեր արտակարգ դրություն։
Загружается новость ... "Лево"
«Վարակի ինտենսիվության ինդեքսը կլիներ 2,4, այսինքն մեկ մարդը կվարակեր միջինը 2,4 մարդու, և պոտենցիալ վարակակիրների թիվը կհասներ գագաթնակետի առաջին վարակակրի հայտնաբերումից 75–80 օր անց», – ասաց նա ԱԺ հատուկ նիստի ժամանակ` նշելով, որ այսօր արդեն 50–րդ օրն է։
Նրա խոսքով, եթե ոչ մի միջոց չձեռնարկվեր, ապա վարակված կլիներ բնակչության 89%–ը։
«Երևանում հոսպիտալացում պահանջող ծանր դեպքերի թիվը կհասներ 8,2 հազարի։ Ես ի նկատի ունեմ ծայրահեղ ծանր դեպքերը, քանի որ Երևանում միաժամանակ կվարակվեր 110 հազար մարդ։ Նման սցենարի դեպքում առողջապահական համակարգն ի վիճակի չէր լինի սպասարկել վարակի անգամ ընթացիկ դեպքերը», – ասաց Ավինյանը։
Նրա խոսքով, եթե իրավիճակը զարգանար նման սցենարով, ապա այսօր Երևանում կլիներ 30 հազար վարակակիր և հարյուրավոր մահացածներ։
Ապրիլի 13–ի դրությամբ Հայաստանում գրանցվել է կորոնավիրուսով վարակման 1039 դեպք, առողջացել է 211 մարդ, 14 մարդ, ցավոք, մահացել է։–0–