ԵՐԵՎԱՆ, 24 մարտի./Նովոստի–Արմենիա/. ՀՀ ոստիկանությունը նախազգուշական տեսաուղերձ է հղել ՀՀ բոլոր քաղաքացիներին։
«Հարգելի քաղաքացիներ, հանրապետությունում նոր կորոնավիրուսային հիվանդության հետագա տարածումը սահմանափակելու, առկա դեպքերը նվազեցնելու, ինչպես նաև մարդկանց, հատկապես տարեցների առողջությունը չվտանգելու համար ՀՀ ոստիկանությունը բնակչությանը հորդորում է խստագույնս սահմանափակել բնակարաններից դուրս գալը, բնակարաններից դուրս գալ բացառապես ծայրահեղ անհրաժեշտության դեպքում, խստագույնս պահպանել պարետի որոշումներով սահմանվող պահանջները, որոնց չկատարելը կառաջացնի օրենքով նախատեսված պատասխանատվություն», – նշել են ոստիկանությունից։
Մարտի 24–ի ժամը 18։30–ի դրությամբ Հայաստանում գրանցվել է կորոնավիրուսով վարակման 249 դեպք։–0–