ԵՐԵՎԱՆ, 28 մայիսի․ /Նովոստի-Արմենիա/․ Հայաստանում կորոնավիրուսով հիվանդներից 316-ը գտնվում է ծանր վիճակում: Այս մասին Պարետատան նիստից հետո տեղի ունեցած ճեպազրույցի ժամանակ ասաց ՀՀ առողջապահության նախարար Արսեն Թորոսյանը։
«53 հիվանդ գտնվում է ծայրայեղ ծանր վիճակում, 17-ը միացված են արհեստական շնչառության սարքերի: Որպեսզի կարողանանք իրավիճակը պահել կառավարելի և չունենանք դեպքեր, երբ մեր քաղաքացիները զրկված կլինեն ինտենսիվ թերապիայի բուժօգնությունից, մենք շարունակում ենք ծավալել մահճակալների ֆոնդը ինտենսիվ թերապիայի գծում և առաջիկա 1-1,5 ամիսների ընթացքում մենք կունենանք 100 նոր մահճակալ », - ասաց նա:
Ըստ նախարարի, դրանցից 50-ը կլինի «Սուրբ Գրիգոր Լուսավորիչ» բժշկական կենտրոնում, իսկ 50-ը ՝ «Էրեբունի» բժշկական կենտրոնում:
«Այս պահին բազմաթիվ ժշկական կենտրոններ ներգրավված են պրոցեսում, և գրեթե բոլոր վերակնեդանցման բաժանմունքներում առանձնացված են հատվածներ կորոնավիրուսով պացիենտների համար՝ գումարած նրան, որ մենք ունենք հատուկ առանձնացված բժշկական կենտրոններ», - ասաց Թորոսյանը:
Մայիսի 28-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 8216 դեպք, որոնցից 3287-ն` առողջացած, 113-ը` մահվան ելքով:-0-