Կորոնավիրուսով վարակվածների օնլայն վերահսկումը կրկին «կանաչ լույս» ստացավ, ընդդիմությունը բոյկոտում է

ԵՐԵՎԱՆ, 31 մարտի./Նովոստի–Արմենիա/. ԱԺ–ն երեքշաբթի առաջին ընթերցմամբ ընդունեց «Արտակարգ դրության իրավական ռեժիմի մասին» և «Էլեկտրոնային հաղորդակցության մասին» օրենքներում նախատեսված լրացումների փաթեթները, որոնք նախատեսում են առցանց վերահսկում կորոնավիրուսով վարակված քաղաքացիների կոնտակտներին։

Այս փաթեթը կառավարությունն այսօր կրկին ներկայացրել է ԱԺ–ին, քանի որ մի քանի ժամ առաջ նախաձեռնությունը մերժվել էր։

Խնդիրն այն է, որ լրացումները քննադատող «Բարգավաճ Հայաստան» և «Լուսավոր Հայաստան» ընդդիմադիր խմբակցությունները չեն մասնակցել քվերակությանը, և լրացումների փաթեթը չընդունեց։


Երկրորդ անգամ ներկայացված փաթեթի քննարկումների ժամանակ «Բարգավաճ Հայաստան» և «Լուսավոր Հայաստան» ընդդիմադիր խմբակցությունները հրաժարվեցն մասնակցել բանավեճին` բոյկոտելով այն ու նշելով, որ, ըստ կանոնակարգի, չեն իրազեկվել արտահերթ նիստ գումարելու մասին։

ԱԺ վերադարձված փաթեթի շուրջ քվեարկությունից առաջ ԱԺ խոսնակ Արարատ Միրզոյանն ափսոսանք հայտնեց, որ ընդդիմությունը չի օգտվել քննարկմանն ու քվեարկությանը մասնակցելու իր սահմանադրական իրավունքից։

«Ընդդիմությունը հնարավորություն կունենա առաջարկել փոփոխություններ 24 ժամվա ըթնացքում` մինչև օրինագիծը քննարկումը երկրորդ ընթերցման ժամանակ», – ասաց նա։


Օրինագծի էությունը

Ինչպես նշել է արդարադատության նախարար Ռուստամ Բադասյանը, պանդեմիայի տարածման և կանխարգելիչ աշխատանքներ իրականացնելու համար անհրաժեշտություն է առաջացել լրացումներ կատարել Արտակարգ դրության իրավական ռեժիմի մասին ՀՀ օրենքում։ Անձնական տվյալների հավաքումն ու մշակումը վերաբերում է տարածվելու է բացառապես պանդեմիայի պատճառով հայտարարված արտակարգ դրության վրա։

Հայաստանում մարտի 16–ից մինչև ապրիլի 14–ը հայտարարվել է արտակարգ դրություն` կորոնավիրուսի տարածումը կանխելու նպատակով։

Մարտի 31–ի դրությամբ, Հայաստանում հաստատվել է կորոնավիրուսով վարակման 532 դեպք, 31 մարդ բուժվել է, 3 մարդ, ցավոք, մահացել է։–0–