Կորոնավիրուսով վարակված 180 պացիենտի մոտ թոքաբորբ է, 8–ը ծայրահեղ ծանր է. Թորոսյան (ՎԻԴԵՈ)
17:40
10 Ապրիլի 2020
ԵՐԵՎԱՆ, 10 ապրիլի./Նովոստի–Արմենիա/. Հայաստանում կորոնավիրուսով վարակված 180 պացիենտի մոտ թոքաբորբ է, ուրբաթ ասաց ՀՀ առողջապահության նախարար Արսեն Թորոսյանն ասուլիսի ժամանակ։
Загружается новость ... "Лево"
«8 մարդ ծայրահեղ ծանր է, 40 պացիենտ ծանր է», – ասաց նա։
Նախարարը նաև տեղեկացրեց, որ մինչև հիմա կատարվել է մոտավորապես 6,5 հազար թեստ։
«Փորձելու ենք թեստերը չկատարել գիշերը` սխալներից խուսափելու համար։ Մեկ ամիս մեր լաբորատորիայի աշխատակիցներն աշխատել են 24–ժամյա ռեժիմում, և դա կարող է ավելացնել սխալվելու հավանականությունը, ինչը մենք չենք կարող թույլ տալ։ Կփորձենք գիշերն ընդհանրապես չիրականացնել թեստեր`սխալներից խուսափելու համար», – ասաց Թորոսյանը։
Նա նշեց, որ Հայաստանում կորոնավիրուսից մահացածների միջին տարիքը 75 տարեկանն է, մահացության մակարդակը կազմում է վարակվածների թվի մոտավորապես 1%–ը։
Մարտի 16-ից ապրիլի 14-ը Հայաստանում, կորոնավիրուսի տարածումը կանխելու նպատակով, գործում է արտակարգ դրություն: Արտակարգ դրության պայմաններում Հայաստանում ազատ տեղաշարժի և տնտեսական գործունեության որոշ տեսակների սահմանափակումները (նախկինում գործում էր մարտի 24-ից մարտի 31-ը) երկարաձգվել են մինչև ապրիլի 12-ը ներառյալ:
Ապրիլի 10–ին վարչապետի մամուլի քարտուղար Մանե Գևորգյանը «Նովոստի–Արմենիա» գործակալությանը տեղեկացրեց, որ մարտի 16-ին կորոնավիրուսի տարածման պայմաններում հայտարարված արտակարգ դրության երկարաձգման հարցը քննարկման փուլում է:
Ապրիլի 10–ի դրությամբ գրանցվել է կորոնավիրուսի 937 դեպք, բուժվել է 149 մարդ, 12 մարդ, ցավոք, մահացել է։–0–
Վարչապետի մոտ խորհրդակցության ժամանակ զեկուցվել է, որ բերդրվելու է նախագծային պարտադիր ուսուցում 7-րդ դասարանից, մինչև 5-րդ դասարանի 2-րդ կիսամյակը միավորային գնահատում չի իրականացվելու
