Բոլոր քաղաքացիներին կոչ ենք անում կրել բացառապես գործարանային դիմակներ. Փաշինյան (ՎԻԴԵՈ)
12:08
02 Հուլիսի 2020
ԵՐԵՎԱՆ, 2 հուլիսի./Նովոստի–Արմենիա/. ՀՀ վարչապետ Նիկոլ Փաշինյանն այսօր կառավարության նիստի ժամանակ խոսել է դիմակների գների մասին։
Նշվել է, որ դիմակների գները բավականին էժանացել են, և այդ պրոցեսը շարունակվում է։
Այդ կապակցությամբ վարչապետը կոչ արեց քաղաքացիներին կրել բացառապես գործարանային դիմակներ։
Загружается новость ... "Лево"
Փաշինյանը ՏՄՊՊՀ նախագահ Գեղամ Գևորգյանից հետաքրքրվեց դիմակի գներից և հարցրեց, թե ճիշտ է արդյոք, որ դիմակների գների անկում ունենք։
«Այո, պարոն վարչապետ, միանշանակ ճիշտ եք։ Բայց հիմա մի ուրիշ խնդիր ունենք։ Ներկրված դիմակները, քանի որ մի քանի ամիս առաջ են ներկրվել, թանկ են ներկրվել, իսկ տեղական դիմակները 60 դրամ են, հիմա ունենք դիմակների պրոֆիցիտ, այսինքն ավելի շատ դիմակ ունենք, քան վաճառվում է։ Հայաստանից դիմակների արտահանում արդեն կատարվել է ՝ 60 դրամով, մյուս խմբաքանակի համար ևս հայտարկվել է։ Հիմա երկու խնդրի առաջ ենք կանգնած։ Առաջինը, եթե չենք թույլատրելու դիմակների արտահանումը, ապա տնտեսվարողները ստիպված են լինելու վնասով ավելի էժան գներով վաճառել, իսկ եթե թողնում ենք, ապա գինը մնում է կայուն՝ 60 դրամ տեղականը և մի փոքր ավելի թանկ դրսից ներկրվածը։ Նոր խմբաքանակը սպասվում է մոտ մի քանի ամսից, որ ավելի կէժանանա»,-ասաց Գևորգյանը:–0–
