Առաջիկայում երեխաների շրջանում կարիեսի կանխարգելման ազգային ծրագիր կներդրվի
13.07.2019,
11:47
Առաջիկայում երեխաների շրջանում կարիեսի կանխարգելման ազգային ծրագիր կներդրվի:
ԵՐԵՎԱՆ, 13 հուլիսի./Նովոստի–Արմենիա/. Առողջապահության նախարար Արսեն Թորոսյանը նախօրեին ընդունել է «Հովարդ Կարագյոզյան» հիմնադրամի տնօրեն Իրինա Լազարյանին:
Загружается новость ... "Лево"
Ինչպես հաղորդում է ՀՀ առողջապահության նախարարությունը, բժշկական բարեգործական հասարակական կազմակերպությունը Հայաստանում գործում է 1992 թվականից: Իրականացնում է բարեսիրական ծրագրեր` ինչպես Հայաստանում և Արցախում, այնպես էլ Սիրիայում և Լիբանանում` մինչև 14 տարեկան անապահով հայ երեխաներին տրամադրելով անվճար ատամնաբուժական և ակնաբուժական ծառայություններ։ Կազմակերպության կլինիկաները տեղակայված են Երևանում, Գյումրիում, Գորիսում, Վանաձորում և Ստեփանակերտում: Ծառայություններից օգտվում է տարեկան 60 հազար երեխա:
Քննարկվել են մանկական ատամնաբուժության և կանխարգելման ծրագրի հետագա զարգացման վերաբերյալ մի շարք հարցեր, ինչպես նաև Գյումրիում կառուցվելիք շինության մանրամասները՝ հույս ունենալով, որ բացումը տեղի կունենա 2020-ի հունիսի 1-ին՝ երեխաների պաշտպանության միջազգային օրը: Գյումրիում նոր շենք կառուցելու անհրաժեշտություն է առաջացել, քանի որ բուժման կարիք ունեցողները շատացել են:
Պայմանավորվածություն է ձեռք բերվել նաև առաջիկայում կարիեսի կանխարգելման ազգային ծրագիր ներդնել, ինչի շնորհիվ մասնագետները կհետևեն երեխաների ատամների խնամքին:–0–
Պատճենել հղումը
