ԵՐԵՎԱՆ, 13 մարտի./Նովոստի–Արմենիա/. Մի քանի օր է, ինչ Հայաստանում են Առողջապահության համաշխարհային կազմակերպության ներկայացուցիչները՝ մեծ հիվանդանոցներում մոնիտորինգ են անում, թե արդյոք Հայաստանը պատրա՞ստ է դիմակայել կորոնավիրուսին, գրում է «Հրապարակը»:
Загружается новость ... "Лево"
Թերթը հիվանդանոցներից մեկի պատասխանատուից հետաքրքրվել է, թե ւ՞նչ եզրակացության են եկել ԱՀԿ ներկայացուցիչները։
«Գտան, որ մեծ ծավալով հիվանդների դեպքում ծանր կլինի, չենք կարողանա դիմագրավել, եթե չլինի ԱՀԿ-ի օգնությունը։ Մահճակալների, դեղորայքի ծավալների խնդիր կա․․․ բուն էպիդեմիան սկսվելու դեպքում չի լինելու 2-4 դեպք, կարող են լինել 100-200-ից ավելի։ Որոշել ենք, որ հիվանդանոցներն արտակարգ իրավիճակի ռեժիմով են աշխատելու՝ ինչպես պատերազմների ժամանակ։ Վերապրոֆիլավորվելու ենք՝ պլանային հիվանդներ չենք ընդունելու, զբաղված ենք լինելու կորոնավիրուսով»: Բուժման ծախսերը հոգալու է պետությունը»,- նշել է հիվանդանոցի պատասխանատուն, գրում է թերթը:–0–
