536 ծանր և 117 ծայրահեղ ծանր հիվանդ. Փաշինյանը խոսել է COVID-19–ով պացիենտների վիճակի մասին (ՎԻԴԵՈ)

ԵՐԵՎԱՆ, 1 հուլիսի./Նովոստի–Արմենիա/. ՀՀ վարչապետ Նիկոլ Փաշինյանը չորեքշաբթի ճեպազրույցի ժամանակ խոսել է Հայաստանում կորոնավիրուսով վարակված պացիենտների վիճակի մասին։


«Այսօր մենք ունենք կորոնավիրուսով հիվանդ 10 900 մարդ, որոնցից 2 106–ն անցնում են ամբուլատոր բուժում, 536–ի վիճակը ծանր է, 117 պացիենտ ծայրահեղ ծանր վիճակում է»,– նշեց վարչապետն` ավելացնելով, որ 1730 պացիենտ մոտ ախտորոշվել է թոքաբորբ։

Հուլիսի 1-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 26065 դեպք, որոնցից 14563-ն` առողջացած, 453-ը` մահվան ելքով:–0–