ԵՐԵՎԱՆ, 13 մայիսի./Նովոստի-Արմենիա/. ՀՀ պարետ Տիգրան Ավինյանի որոշմամբ երկու օր իրականացված մշտադիտարկումների արդյունքում կասեցվել է 132 տնտեսվարող սուբյեկտի գործունեությունը: Որոշումը հրապարակվել է ՀՀ կառավարության պաշտոնական կայքում:
Загружается новость ... "Лево"
Սահմանափակումները վերաբերում են Երևանում և ՀՀ մի շարք մարզերում գործող ընկերություններին:
«Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի №298-Ն որոշման 2-րդ, 6-րդ և 7-րդ կետերով և որոշման հավելվածի 20-րդ կետով, ինչպես նաև Հայաստանի Հանրապետության առողջապահական և աշխատանքի տեսչական մարմնի ղեկավարի 2020 թվականի մայիսի 5-ի N 1304-Ա, N 1308-Ա, N 1314-Ա, N 1317-Ա, N 1321- Ա, N 1326-Ա, N 1333-Ա, N 1334-Ա, N 1340-Ա, N 1340-Ա, N 1342-Ա, 2020 թվականի մայիսի 6-ի N 1351-Ա, N 1352-Ա, 2020 թվականի մայիսի 11-ի N 1378-Ա, N 1379-Ա, N 1382-Ա, 2020 թվականի մայիսի 13-ի N 1386-Ա հրամանների հիման վրա 2020 թվականի մայիսի 11-13-ը իրականացված մշտադիտարկումների արդյունքում կազմված արձանագրությունները՝ 24 ժամով արգելել հետևյալ տնտեսվարողներին պատկանող մասնաճյուղերի (հասցեներում իրականացվող) գործունեության ծավալումը»,- նշվում է որոշման մեջ:
Տնտեսվարողների ամբողջական ցուցակին կարող եք ծանոթանալ որոշման մեջ:
Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով։ Մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ։ Ապրիլի 13–ին կառավարությունը որոշեց մեկ ամսով երկարացնել արտակարգ դրության ռեժիմը` մինչև 2020թ.–ի մայիսի 14–ը ժամը 17։00–ն։
Հայաստանում մայիսի 13-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 3718 դեպք, որոնցից 1500-ն` առողջացած, 48-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2149 պացիենտ: Ընդհանուր առմամբ, կատարվել է 34766 թեստավորում:-0-
