Զինված հարձակում «Ելք» դաշինքի ներկայացուցիչների վրա (ՏԵՍԱՆՅՈՒԹ)

ԵՐԵՎԱՆ, 1 ապրիլի. /Նովոստի–Արմենիա/. ԱԺ պատգամավորի թեկնածու Նիկոլ Փաշինյանը Facebook-յան իր էջում հրապարակել է տեսանյութ` հայտարարելով, որ քիչ առաջ զինված հարձակում է տեղի ունեցել «Ելք» դաշինքի վստահված անձանց վրա:

«Սիրելի հայրենակիցներ, մեր թիմի վրա զինված հարձակում է տեղի ունեցել Հարավ–արևմտյան Ա3 թաղամասում։ Ահա այն զենքը, որի կիրառմամբ փորձել են հարձակվել մեր թիմի վրա։ Իհարկե, մեր տղաներն արագ են կողմնորոշվել։ Ասեմ, որ զենքը մարտական է, լիցքավորված փամփուշտներով։ Մեր տղաները կարողացել են խլել այս զենքը», – նշում է Նիկոլ Փաշինյանը։

Տեսանյութում Փաշինյանը մանրամասն ներկայացնում է, թե ինչպես է տեղի ունեցել միջադեպը։–0–