ԵՐԵՎԱՆ, 16 ապրիլի. /Նովոստի-Արմենիա/. ՀՀ Ազգային անվտանգության ծառայությանը հայտնի է հետախուզման մեջ գտնվող ՀՀ նախկին գլխավոր հարկադիր կատարող Միհրան Պողոսյանի գտնվելու վայրը։ Այս մասին այսօր լրագրողների հետ զրույցում հայտնեց ԱԱԾ պետ Արթուր Վանեցյանը։
Загружается новость ... "Лево"
Լրագրողի հարցին, թե արդյոք հայտնի է Միհրան Պողոսյանի գտնվելու վայրը, ԱԱԾ տնօրենը կարճ պատասխանեց. «Այո»։
Հիշեցնենք, որ ՀՀ դատական ակտերի նախկին գլխավոր հարկադիր կատարող Միհրան Պողոսյանը քրեական գործով ներգրավվել է որպես մեղադրյալ: 2019թ.-ի ապրիլի 13-ին ՀՀ հատուկ քննչական ծառայության քննիչի կողմից միջնորդություն է ներկայացվել Երևանի ընդհանուր իրավասության դատարան` Միհրան Պողոսյանի նկատմամբ կալանավորումը որպես խափանման միջոց ընտրելու համար: Նրա նկատմամբ հայտարարվել է հետախուզում:-0-