Նախորդ շաբաթվա կարևոր նորությունների հնգյակը
03.06.2017,
10:30
«Նովոստի–Արմենիա» գործակալությունը ներկայացնում է նախորդ շաբաթվա (մայիսի 28–հունիսի 2) կարևոր նորությունների հնգյակը։
ԵՐԵՎԱՆ, 3 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա (մայիսի 28–հունիսի 2) կարևոր նորությունների հնգյակը։
- ՀՀ նախագահ Սերժ Սարգսյանը մայիսի 30–ինստորագրեց մի շարք հրամանագրեր ՀՀ կառավարության նոր կազմում նախարարներ նշանակելու մասին։ Մայիսի 31–ին ՀՀ նախագահը ևս հրամանագրեր ստորագրեց նախարար նշանակելու մասին` այդպիսով ավարտելով կառավարության ձևավորումը։
- Երևանում վերջին մի քանի օրերի ընթացքում հայտնաբերվում են տարատեսակ օձեր` իժ, լորտու և անգամ գյուռզա։ Այս կապակցությամբ «Նովոստի–Արմենիա» գործակալությունը որոշեց պարզել օձագետներից և թունաբաններից, թե արդյո՞ք սողունների նման ակտիվացումը նորմալ է, ինչպես վարվել, եթե օձ ես հանդիպում, ինչպես հասկանալ դրանց թունավոր կամ չթունավոր լինելը, ինչպես նաև առաջին օգնության ինչպիսի քայլեր ձեռնարկել, եթե խայթոցից խուսափել չի ստացվել։
- Աշխարհահռչակ շանսոնյե Շառլ Ազնավուրը որդու՝ Նիկոլա Ազնավուրի հետ Երևանում հայտարարել է «Ազնավուր» հիմնադրամի ստեղծման մասին: Հիմնադրամի նպատակն է մաեստրոյի ստեղծած ժառանգության պահպանությունն ու հանրայնացումը, ինչպես նաև կրթական, մշակութային և սոցիալական ծրագրերի մշակումն ու իրականացումը: Ազնավուրի` Կասկադի հարևանությամբ գտնվող կեցավայրում տեղի է ունեցել հանդիսավոր արարողություն, որի ժամանակ պետության կողմից «Ազնավուր» հիմնադրամին պաշտոնապես փոխանցվել են Ազնավուրի կեցավայր-թանգարանի բանալիները։ Շանսոնյեին բանալիները փոխանցել է ՀՀ նախագահ Սերժ Սարգսյանը: Միաժամանակ Տաթևի Վանքի Սուրբ Պողոս Պետրոս եկեղեցում կատարվել է Նիկոլա Ազնավուրի մկրտության արարողությունը՝ ձեռամբ վանահայր Տեր Միքայել վարդապետ Գևորգյանի։ Արարողությունն ուղեկցվում էր Տաթևի վանական երգչախմբի կատարումներով։
- ՀՀ առողջապահության նախարարը հայտարարել է, որ նախարարությունը ներկայացրել է կառավարության քննարկմանը ծխախոտի դեմ պայքարի ռազմավարական ծրագիր, ինչի շրջանակում նախատեսված է բոլոր փակ հասարակական վայրերում ծխելն արգելելու մասին օրենսդրության մշակում։ Միաժամանակ նախարարը նշել է, որ առաջարկվում է ներդնել 10 հազար դոլարին համարժեք դրամի տուգանք չթույլատրված վայրում ծխելու համար։
- Հունիսի 2–ին հաղորդում ստացվեց, որ Երևանի «Լամբադա» կամրջի մոտ կողաշրջվել է թիվ 23 երթուղին սպասարկող ավտոբուսը։ Միջադեպի հետևանքով 14 մարդ հոսպիտալացվել է։ –0–
Պատճենել հղումը
