484.71
8.02
452.7
+19
Եղանակը Երևանում
Հայ

Շառլ Ազնավուրն իր կեցավայր-թանգարանի այցելուներին անձամբ կպատմի իր կյանքի պատմությունը

18:13
01 Հունիսի 2017

ԵՐԵՎԱՆ, 1 հունիսի./Նովոստի-Արմենիա/. Աշխարհահռչակ շանսոնյե Շառլ Ազնավուրը որդու՝ Նիկոլա Ազնավուրի հետ այսօր հայտարարել է «Ազնավուր» հիմնադրամի ստեղծման մասին: Հիմնադրամի նպատակն է մաեստրոյի ստեղծած ժառանգության պահպանությունն ու հանրայնացումը, ինչպես նաև կրթական, մշակութային և սոցիալական ծրագրերի մշակումն ու իրականացումը։

Նորաստեղծ հիմնադրամի հաղորդագրության համաձայն, երգչի` Կասկադի հարևանությամբ գտնվող կեցավայրում այսօր տեղի է ունեցել հանդիսավոր արարողություն, որի ժամանակ պետության կողմից «Ազնավուր» հիմնադրամին պաշտոնապես փոխանցվել են Ազնավուրի կեցավայր-թանգարանի բանալիները։ Շանսոնյեին բանալիները փոխանցել է ՀՀ նախագահ Սերժ Սարգսյանը:

ՀՀ Նախագահի մամուլի ծառայության հաղորդագրության համաձայն, Ս. Սարգսյանը հանդիսավոր արարողությանը նշել է, որ աշխարհահռչակ շանսոնյեի տուն-թանգարանի առկայությունը Երևանում պատիվ է բերում ոչ միայն Երևանին, այլ ողջ հայ հասարակությանը: «Երևանը հարուստ է տեսարժան վայրերով, պատմամշակութային վայրերով, մշակույթի օջախներով, բայց այս տուն-թանգարանը հարստացնում է Երևանը, նոր լիցք է հաղորդում մեր մշակութային կյանքին: Մաեստրո՛, և մենք երջանիկ ենք, որ քո ժամանակակիցն ենք, որ մենք կարողանում ենք պարբերաբար վայելել Ձեր արվեստը, Ձեր կատարումները: Իրոք, Դուք ոչ միայն երգում եք, ավելի շուտ՝ ոչ թե երգում եք, այլ կատարում եք, որովհետև Ձեր յուրաքանչյուր երգ մի ամբողջական ներկայացում է: Ազնավուրն այսօր լեգենդ է՝ քայլող լեգենդ, և այդ լեգենդը պատկանում է ո՛չ միայն Ֆրանսիային, ո՛չ միայն Հայաստանին, հայ ժողովրդին, այլ համայն մարդկությանը»,- ասել է Սարգսյանը:

«Կեցավայր-թանգարանը նաև դառնալու է աշխարհում առաջին թանգարանը, որտեղ հերոսը թանգարանի այցելուներին իր կյանքի պատմությունն անձամբ է պատմում. տեքստերն ու աուդիո ձայնագրությունները հենց Շառլ Ազնավուրինն են»,- ասված է հիմնադրամի հաղորդագրության մեջ։

Загружается новость ... "Право"

Շառլ Ազնավուրն ու նրա ընտանիքը որոշել են երևանյան թանգարանին նվիրաբերել երգչի բոլոր պարգևները, անձնական իրերը և այն ամենը, ինչ կազմում է մաեստրոյի ժառանգությունը:

«Հիմնադրամը կշարունակի 1988-ի ավերիչ երկրաշարժից ի վեր իմ կողմից իրականացվող բարեգործական գործունեությունը: Հիմնադրամի նպատակն է լինելու` աջակցել Հայաստանի բնակչության առավել խոցելի խավերին, ինչպես նաև Շառլ Ազնավուրի երևանյան կեցավայրում թանգարան ստեղծել: Այս թանգարանը կհյուրընկալի մշակութային ու կրթական միջոցառումներ և կդառնա Երևանի կարևորագույն տեսարժան վայրերից մեկը: Այս նախաձեռնությունը Հայաստանի ապագայի հանդեպ իմ նվիրվածության վկայությունն է, որը, հուսով եմ, կխրախուսի սփյուռքի ներգրավվածությունը և կհետաքրքրի այցելուներին աշխարհի բոլոր կողմերից: Այս որոշումը կայացրել եմ մեծագույն վստահությամբ՝ տեսնելով վերջին տարիներին Հայաստանում իրականացված հրաշալի կրթական ծրագրերը, պատմական հուշարձանների վերականգնումն ու նոր ենթակառուցվածքների ստեղծումը»,- ասել է շանսոնյեն, ընդգծելով, որ բոլորը պետք է ուղղեն ջանքները հայրենիքի զարգացմանը, որ հայ երիտասարդներին հնարավորություն ընձեռվի կյանքի կոչել երազանքները հայրենի երկրում՝ հարազատ մարդկանցով շրջապատված:

Հիմնադրամի ծրագրերի մշակումը և իրագործումը կղեկավարի Նիկոլա Ազնավուրը: «Ինձ համար պատիվ և հպարտություն է, որ հայրս նման պատասխանատու գործը՝ Հայաստանում բարեգործական ծրագրեր իրականացնելը, ինձ է վստահել: Անկախ մեր ժողովրդին հանդիպած բոլոր մարտահրավերներին՝ մենք հազարամյակների ամուր ու խորն արմատներ ունենք, և մեր պարտքն է հոգ տանել դրանց մասին», - նշել է համահիմնադիր Նիկոլա Ազնավուրը։

Նախագծի իրականացմանն աջակիցել են IdeA հիմնադրամի համահիմնադիրներ Ռուբեն Վարդանյանը, Վերոնիկա Զոնաբենդը և Նուբար Աֆեյանը։
Տուն թանգարանի ստեղծմանն աջակցել են ՀՀ մշակույթի նախարարությունը, «Moonlightproduction», «AraratBrandycompany», «Doping», «Marog», «Ծիրանի» ընկերությունները։

Երևանում Շառլ Ազնավուրի կեցավայրի բացումը տեղի էր ունեցել 2011 թ. հոկտեմբերի 7-ին՝ Հայաստանի նախագահ Սերժ Սարգսյանի և Ֆրանսիայի նախագահ Նիկոլա Սարկոզիի ու աշխարհահռչակ շանսոնյե Շառլ Ազնավուրի ներկայությամբ։ Հինգհարկանի շենքը գտնվում է Երեւանի Կասկադի հարեւանությամբ։ Այն ներառում է թանգարան, բացօթյա համերգասրահ՝ նախատեսված 120-150 հանդիսատեսի համար, ինչպես նաև Շառլ Ազնավուրի կեցավայրը։ Շենքի շինարարությունը մեկնարկել էր 2007 թվականին ու կավարտվել 2009-ին։ 2017 թ. մարտի 23-ին ՀՀ կառավարությունը որոշում է ընդունել շենքը նվիրաբերել «Ազնավուր» հիմնադրամին՝ որպես պայման նշելով, որ այն ծառայելու է բացառապես Շառլ Ազնավուրի տուն-թանգարան լինելու գործին։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:59
25 Մայիսի 2022
Երևանում հաջորդաբար փակվելու են տրանսպորտային առանցքային հանգույցները (ՍԽԵՄԱ)
Երևանում հաջորդաբար փակվելու են տրանսպորտային առանցքային հանգույցները. ՍԽԵՄԱ
15:03
25 Մայիսի 2022
Ամերաբանկն արժանացել է «Կայուն ֆինանսավորման գծով լավագույն բանկ» մրցանակին
Global Finance ամսագիրը հայտարարել է կայուն ֆինանսավորման ոլորտում արդեն երկրորդ անգամ անցկացվող մրցանակաբաշխության հաղթողներին
14:49
25 Մայիսի 2022
Վոլգոգրադ–Երևան–Վոլգոգրադ ուղիղ չվերթեր կմեկնարկեն
Վոլգոգրադ–Երևան–Վոլգոգրադ ուղիղ չվերթեր կմեկնարկեն
13:28
25 Մայիսի 2022
Երևանի ևս մի շրջանում վաղն ամբողջ օրը ջուր չի լինի
Երևանի ևս մի շրջանում վաղն ամբողջ օրը ջուր չի լինի
12:24
25 Մայիսի 2022
Ցուցարարները փակել են Երևանի առանցքային խաչմերուկներից մեկը
Ցուցարարները փակել են Երևանի առանցքային խաչմերուկներից մեկը
11:22
25 Մայիսի 2022
«Մենք կտանք նրանց այդ հնարավորութունը». ընդդիմությունն այսօր ԱԺ–ում հանդես կգա հայտարարությամբ
«Մենք կտանք նրանց այդ հնարավորութունը». ընդդիմությունն այսօր ԱԺ–ում հանդես կգա հայտարարությամբ
11:10
25 Մայիսի 2022
Արագածոտնում առատ ձյուն է տեղացել (ՎԻԴԵՈ)
Արագածոտնում առատ ձյուն է տեղացել. ՎԻԴԵՈ
10:41
25 Մայիսի 2022
24 ժամ ջուր չի լինի Երևանի վարչական շրջաններից մեկում
24 ժամ ջուր չի լինի Երևանի վարչական շրջաններից մեկում
20:50
24 Մայիսի 2022
Հայաստան-Ադրբեջան միջպետական սահմանին տեղի է ունեցել երկու երկրների փոխվարչապետերի հանդիպումը
Այսօր Հայաստան-Ադրբեջան միջպետական սահմանին տեղի է ունեցել երկու երկրների փոխվարչապետերի հանդիպումը
16:05
24 Մայիսի 2022
Վաղը ջրանջատում է նախատեսված Երևանի ևս մեկ վարչական շրջանում
Վաղը ջրանջատում է նախատեսված Երևանի ևս մեկ վարչական շրջանում
12:55
24 Մայիսի 2022
Հայաստանին մթնոլորտային ցուրտ ճակատ է մոտենում, ջերմաստիճանը կնվազի 7–10 աստիճանով, սպասվում է թաց ձյուն
Հայաստանին մթնոլորտային ցուրտ ճակատ է մոտենում, ջերմաստիճանը կնվազի 7–10 աստիճանով, սպասվում է թաց ձյուն
12:17
24 Մայիսի 2022
12 ժամ ջուր չի լինի Երևանի վարչական շրջաններից մեկում
«Վեոլիա Ջուրը» զգուշացնում է. վթարի պատճառով 12 ժամ ջուր չի լինի Երևանի վարչական շրջաններից մեկում