Երկուշաբթի` հուլիսի 11–ի առավել ուշագրավ նորությունները
08:00
12 Հուլիսի 2016
ԵՐԵՎԱՆ, 12 հուլիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երկուշաբթի` հուլիսի 11–ի առավել ուշագրավ նորությունների սեփական տարբերակը։
Վրաստանի Ախալքալաքի շրջանի Վաչիան գյուղում հայկական ընտանիք է սպանվել։ Կասկածյալները ձերբակալվել են, որոնցից մեկը խոստովանական ցուցմունք է տվել։ ՀՀ արտգործնախարարությունն իր հերթին, հղում անելով վրացական կողմի տվյալներին,հաստատել էՎրաստանում հայկական ընտանիքի դաժան սպանության մեջ կասկածվողի ձերբակալման տեղեկատվությունը։
Հուլիսի 10–ին Երևանում և հանրապետության մի շարք մարզերում ուժեղ քամին` ուղեկցվող հորդառատ անձրևով և կարկուտով, տանիքներ և ծառեր է պոկել: ՀՀ ԱՒՆ-ի հաղորդագրության համաձայն, հորդառատ անձրևի պատճառով անձրևաջրերը լցվել են Կոտայքի մարզի Քանաքեռավան գյուղի 18-րդ փողոցին հարակից տների մեջ: Ուժեղ քամու հետևանքով վնասներ են եղել նաև Աղձք, Ագարակ, Ոսկեվազ, Ոսկեհատ և Օշական գյուղերում: Վնասի չափերը որոշելու համար կկազմվի հանձնաժողով: Միաժամանակ, ՀՀ գյուղատնտեսության նախարար Սերգո Կարապետյանը երկուշաբթի այցելել է Արմավիրի մարզ` կիրակի տեղացած կարկտահարության վնասներին տեղում ծանոթանալու նպատակով։ ՀՀ ԱԻՆ Հայհիդրոմետ ծառայության օպերատիվ օդերևութաբանության կենտրոնի պետ Զարուհի Պետրոսյանն իր հերթին ներկայացրել է եղանակային կանխատեսումը ամռան երկու ամիսների համար։
Վրաստանի գազատրանսպորտային ընկերությունը պաշտոնապես տեղեկացրել է «Գազպրոմ Արմենիա» ընկերությանը, որ 2016 թ.-ի հուլիսի 10-ից մինչև օգոստոսի 10-ը Հայաստան բնական գազի մատակարարումը ժամանակավորապես դադարեցվելու է:–0–