ԿԸՀ–ն հաստատեց Ավագանու ընտրությունների արձանագրությունը. ՀՀԿ–ն ստացավ ձայների 71,25%–ը
15.05.2017,
11:52
ԿԸՀ–ն երկուշաբթի նիստի ժամանակ հաստատեց Ավագանու ընտրությունների նախնական արդյունքների արձանագրությունը։
ԵՐԵՎԱՆ, 15 մայիսի. /Նովոստի–Արմենիա/. ԿԸՀ–ն երկուշաբթի նիստի ժամանակ հաստատեց Ավագանու ընտրությունների նախնական արդյունքների արձանագրությունը։
««Ելք» դաշինքը ստացավ 70 731 ձայն, ինչը կազմում է 21 տոկոս, «Երկիր Ծիրանի» կուսակցությունը` 26 109 ձայն կամ 7,7 տոկոս, Հայաստանի հանրապետական կուսակցությունը` 240 036 ձայն կամ ձայների 71,25 տոկոսը», – նիստի ժամանակ հայտարարեց ԿԸՀ նախագահ Տիգրան Մուկուչյանը։
Նա նաև տեղեկացրեց, որ Երևանում ընտրողների ընդհանուր թիվը կազմում է 842 151 մարդ, որից քվեարկությանը մասնակցել է 345 158–ը, անվավեր է ճանաչվել 8259 քվեաթերթիկ։
Ավագանու ընտրություններում ՀՀԿ–ի համամասնական ցուցակը գլխավորում է Երևանի գործող քաղաքապետ Տարոն Մարգարյանը։ «Ելք» դաշինքի ցուցակը գլխավորում է ԱԺ պատգամավոր Նիկոլ Փաշինյանը, իսկ «Երկիր Ծիրանին»` նրա հիմնադիր Զարուհի Փոստանջյանը։
«Երևան քաղաքի տեղական ինքնակառավարման մասին» օրենքի համաձայն, Երևանի քաղաքապետին ընտրում է Ավագանու խորհուրդը, որը ձևավորվում է կուսակցական սկզբունքով` համաքաղաքային ընտրությունների հիման վրա, որոնք անցկացվում են քվեարկության համամասնական համակարգով։
Ըստ օրենսդրության, եթե ընտրությունների արդյունքում խորհրդում կուսակցություններից մեկը ստանում է 50%–ից ավել տեղեր, ապա այդ կուսակցության ցուցակը գլխավորող թեկնածուն համարվում է ընտրված քաղաքապետ։ Եթե թեկնածուն չի համապատասխանում քաղաքապետին առաջադրվող պահանջներին, հրաժարվում է քաղաքապետի պաշտոնից կամ կուսակցություններից ոչ մեկը չի ստանում 50%–ից ավել, ապա քաղաքապետն ընտրվում է Ավագանու խորհրդի անդամների գաղտնի քվեարկության միջոցով։ Երևանի Ավագանու խորհուրդն ընտրվում է չորս տարի ժամկետով և բաղկացած է 65 անդամից։
Ներկա խորհրդում ներառված է երեք խմբակցություն` ՀՀԿ–ն, ԲՀԿ–ն և «Բարև, Երևան» ընդդիմադիր խմբակցությունը։ Երևանի գործող քաղաքապետ Տարոն Մարգարյանը զբաղեցնում է իր պաշտոնը 2011 թ.–ից։ –0–
««Ելք» դաշինքը ստացավ 70 731 ձայն, ինչը կազմում է 21 տոկոս, «Երկիր Ծիրանի» կուսակցությունը` 26 109 ձայն կամ 7,7 տոկոս, Հայաստանի հանրապետական կուսակցությունը` 240 036 ձայն կամ ձայների 71,25 տոկոսը», – նիստի ժամանակ հայտարարեց ԿԸՀ նախագահ Տիգրան Մուկուչյանը։
Նա նաև տեղեկացրեց, որ Երևանում ընտրողների ընդհանուր թիվը կազմում է 842 151 մարդ, որից քվեարկությանը մասնակցել է 345 158–ը, անվավեր է ճանաչվել 8259 քվեաթերթիկ։
Ավագանու ընտրություններում ՀՀԿ–ի համամասնական ցուցակը գլխավորում է Երևանի գործող քաղաքապետ Տարոն Մարգարյանը։ «Ելք» դաշինքի ցուցակը գլխավորում է ԱԺ պատգամավոր Նիկոլ Փաշինյանը, իսկ «Երկիր Ծիրանին»` նրա հիմնադիր Զարուհի Փոստանջյանը։
«Երևան քաղաքի տեղական ինքնակառավարման մասին» օրենքի համաձայն, Երևանի քաղաքապետին ընտրում է Ավագանու խորհուրդը, որը ձևավորվում է կուսակցական սկզբունքով` համաքաղաքային ընտրությունների հիման վրա, որոնք անցկացվում են քվեարկության համամասնական համակարգով։
Ըստ օրենսդրության, եթե ընտրությունների արդյունքում խորհրդում կուսակցություններից մեկը ստանում է 50%–ից ավել տեղեր, ապա այդ կուսակցության ցուցակը գլխավորող թեկնածուն համարվում է ընտրված քաղաքապետ։ Եթե թեկնածուն չի համապատասխանում քաղաքապետին առաջադրվող պահանջներին, հրաժարվում է քաղաքապետի պաշտոնից կամ կուսակցություններից ոչ մեկը չի ստանում 50%–ից ավել, ապա քաղաքապետն ընտրվում է Ավագանու խորհրդի անդամների գաղտնի քվեարկության միջոցով։ Երևանի Ավագանու խորհուրդն ընտրվում է չորս տարի ժամկետով և բաղկացած է 65 անդամից։
Ներկա խորհրդում ներառված է երեք խմբակցություն` ՀՀԿ–ն, ԲՀԿ–ն և «Բարև, Երևան» ընդդիմադիր խմբակցությունը։ Երևանի գործող քաղաքապետ Տարոն Մարգարյանը զբաղեցնում է իր պաշտոնը 2011 թ.–ից։ –0–
Պատճենել հղումը
