Հանրայինը մեկնաբանել է «Նովոստի-Արմենիային» «Եվրատեսիլին» Արծվիկի ելույթ չունենալու հավանականության հարցը

ԵՐԵՎԱՆ, 21 մարտի. /Նովոստի-Արմենիա/. Հայաստանի հանրային հեռուստատեսությունը պատասխանել է «Նովոստի-Արմենիա» գործակալության հարցմանը` Ուկրաինայի ՆԳՆ ղեկավարի խորհրդական Անտոն Գերաշենկոյի հայտարարության համատեքստում, որ Ուկրաինայի անվտանգության ծառայությունը (ՈՒԱԾ) ստուգելու է Հայաստանը «Եվրատեսիլում» ներկայացնող Արծվիկ Հարությունյանի կողմից ուկրաինական օրենսդրության խախտումը:

ՈՒԱԾ-ն կստուգի Արծվիկին Ղրիմ այցելելու կապակցությամբ>>

Գերաշենկոն հայտարարել է, որ, եթե երգչուհին եղել է Ղրիմում, նրա վերաբերյալ «առանձին որոշում կկայացվի»:

«Հայաստանն արդեն մեկ տասնամյակից ավելի է մասնակցում է «Եվրատեսիլին»: Այժմ էլ ընթանում են այս տարվա մրցույթի նախապատրաստական աշխատանքները: Ինչ վերաբերում է վերոնշյալ հարցին, ապա Հայաստանի հանրային հեռուստաընկերությունն այս թեմայի վերաբերյալ որևէ պաշտոնական գրություն չի ստացել», - նշվում է Հանրայինի հաղորդագրության մեջ:

Արծվիկ Հարությունյանը մայիսին Կիևում կայանալիք «Եվրատեսիլ 2017»–ում Հայաստանը ներկայացնելու «Fly With Me» երգով։ Նա մտերիմ է ռուսական էստրադայի մի շարք ներկայացուցիչների հետ` Պոլինա Գագարինայի, Պելագեայի, Ալեքսանդր Պանայոտովի: «Ձայնը» շուոի առաջին եթերաշրջանում երգել է Մարգարիտա Պոզոյանի բեք-վոկալում:

Հայուհու ընտանիքը տեղափոխվել է Ռուսաստան, երբ Արծվիկը 5 տարեկան էր: Նա սովորել է Մոսկվայի պետքական մանկավարժական համալսարանում` հոգեբան-լգոպեդ մասնագիտությամբ, ավարտել է մաթեմատիկական թեքումով դպրոց: -0-