ԵՐԵՎԱՆ, 8 հունիսի./Նովոստի-Արմենիա/. Հայաստանում հունիսի 8-ի, ժամը 11:00-ի դրությամբ հաստատվել է կորոնավիրուսով վարակման 195 նոր դեպք, ընդհանուր` 13325։
Այս մասին հայտնում է ՀՀ ԱՆ հիվանդությունների վերահսկման և կանխարգելման ազգային կենտրոնը:
Կորոնավիրուսից առողջացումների թիվը կազմում է 4099։ Փաստացի բուժվում է 8943 մարդ, իսկ ընդհանուր թեստերի թիվը 70000: Մահացել է, ցավոք, 211 մարդ:
Նշենք, որ նախօրեին ԱՆ–ն
զգուշացրել էր, որ այսօրվա հետազոտությունների ծավալը կլինի ավելի քիչ, քանի որ նախօրեին չի աշխատել թեստավորում իրականացնող ՀՀ ԱՆ հիվանդությունների վերահսկման և կանխարգելման ազգային կենտրոնի լաբորատորիան, որն իրանացնում է կորոնավիրուսային հիվանդության թեստերի հիմնական ծավալը։ Լաբորատորիայում իրականացվել են ախտահանման պրոֆիլակտիկ աշխատանքներ։–0–