Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)

ԵՐԵՎԱՆ, 11 ապրիլի. /Նովոստի-Արմենիա/. «Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին, որը ներկայացնում է Հայաստանում իրենց բիզնեսները բացած և հաջողության հասած հայրենադարձ հայերի հաջողության պատմությունները:

Նախագծի հիմնական գաղափարը բազմաթիվ օրինակներով ցույց տալն է, թե ինչպես են մեր հայրենակիցները, ովքեր մի շարք հանգամանքներով ստիպված են եղել լքել հայրենիքը, կարողացել են վերգտնել իրենց ուրիշ երկրներում, հաջողության հասնել, հարստանալ փորձով, հմտություններով և տուն վերադառնալ՝ որդիական պարտքը տալու համար այն երկրին, որտեղ եղել են նրանց արմատները:

Գործակալության երկրորդ հյուրն իրանահայ հայրենադարձ Ալիս Սաֆարյանն է, ով պատմել է այն մասին, թե ինչպես և երբ է վարադարձել Իրանից պատմական հայրենիք, ինչպես նաև, թե ինչու է որոշել մասնակցել Հայաստանում պարսկական խոհանոցի բացմանը:

Միասին ապրում ենք ծանր ժամանակներ



Իմ ընտանիքը Հայաստան է տեղափոխվել 1992 թվականին՝ երկրի համար ամենածանր ժամանակներում: Ես այն ժամանակ 10 տարեկան էի: Եվ այդ տարիների ընթացքում միայն մեկ անգամ եմ խնդրել մայրիկիս հետ վերադառնալ՝ տեղափոխվելուց երեք ամիս անց: Մենք վերադարձանք Իրան, և այդ ժամանակ հասկացա, որ հենց Հայաստանն է մեր տունը:

Այդ պահից երբեք չեմ մտածել հեռանալու մասին, թեև Հայաստանում ապրելը դժվար է: Բայց մենք հասկանում էին, որ մեր ժողովրդի մի մասն ենք և պետք է միասին գոյատևենք:

Մեր բարեկամներից շատերը մինչ օրս զարմանում են մեր որոշումից, բայց նրանք, ովքեր Հայաստանում եղել են, հասկանում են մեզ:

Ինչու՞ պարսկական խոհանոց

Իմ եղբորը (հիմնադիրներից մեկին) առաջարկեցին պարսկական խոհանոցի ռեստորան, որովհետև այսօր Իրանից մեծ թվով զբոսզաշրջիկներ են ժամանում, իսկ երկրի խոհանոցը գործնականորեն ներկայացված չէ:

Եվ, իհարկե, անվանումը պատահական չէ: Չէ՞ որ, Պերսեպոլիսն Ալեքսանդր Մակեդոնացու կողմից մեր թվարկության 330 թվականին զավթած Աքեմենյան հսկայական կայսրության մայրաքաղաքն էր: Եվ այնտեղ հայեր են ապրել:

Հաջողության գաղտնիքը



Հաջողության հասնելու համար դուք պետք է լավագույնը դառնաք: Սխալվելու իրավունք չունեք՝ ձեր հյուրերը միշտ պետք է գոհ լինեն:

Բազմաթիվ ծրագրեր կան

Մենք բոլորովին վերջերս ենք բացվել և առայժմ զարգանում ենք: Մեկ տարի անց հնարավոր կլինի ամփոփել առաջին արդյունքները և մտածել ընդլայնվելու մասին:

Հայերի ուժն ու թուլությունը հայրենադարձների աչքերով

Հայերի ուժեղ կողմերը նրանք են, որ նրանք վստահ են իրենց ուժերին, ապրում են սեփական հողում: Ինչքան էլ երկար ապրես օտար երկրում և որքան էլ հաջողակ լինես, դու միշտ քեզ օտարերկրացի ես զգալու:

Բայց միաժամանակ Հայաստանի բնակիչները դժվարությամբ են ընդունում «օտարներին», այդ թվում՝ հայրենադարձներին: Ժամանակ է պետք ցույց տալու, թե ինչի ես ընդունակ, և ապացուցել, որ դու էլ ես հայ: Այժմ ամեն ինչ լավ է՝ ես ինձ Հայաստանի մասնիկ եմ զգում և շատ ընկերներ ունեմ:

Կոչ սփյուռքահայությանը



Եկեք Հայաստան, նայեք ձեր կողքը, փորձեք ինչ-որ բան անել: Եթե չստացվի՝ հետ գնացեք: Բայց փորձել պետք է:
Հատկապես խորհուրդ եմ տալիս տեղափոխվել Հայաստան նրանց, ովքեր փոքր երեխաներ ունեն՝ այստեղ շատ անվտանգ է:

Զբոսաշրջությունը Հայաստանի ապագան է



Հայաստանի զարգացման ամենամեծ ներուժը զբոսաշրջությունն է: Քանի որ երկիրը չունի շատ մեծ բնական ռեսուրսներ, ապա պետք է զարգացնել այդ ոլորտը: ռեստորաններ, սրճարաններ, ակումբներ: Նայեք հարևան Վրաստանին, թե ինչպես են նրանք մեզանից «գողանում» զբոսաշրջիկներին՝ հյուրասեր և հյուրընկալ լինելու շնորհիվ:

Մենք պետք է թույլ տանք մարդկանց, ովքեր գիտեն՝ ինչ և ինչպես անել, աշխատել Հայաստանում: Չէ՞ որ, միասին մենք կարող ենք ամեն ինչ: -0-


-