543.66
6.59
475.19
-273
Եղանակը Երևանում
Հայ

«Գալաքսին» մեղադրել է կառավարությանը Ucom–ն ապօրինի օտարելու մեջ. դրան հետևել են կոռուպցիայի և մաֆիոզ համակարգ ստեղծելու մեղադրանքներ

17:23
28 Ապրիլի 2020

ԵՐԵՎԱՆ, 28 ապրիլի./Նովոստի–Արմենիա/. Ucom–ի ընկերության շուրջ արդեն մոտ մեկ ամիս ծավալվող սկանդալը չի մարում, ավելին`այն զարգանում է, սկսում են հնչել նոր մեղադրանքներ։ Մասնավորապես, երեքշաբթբի «Գալաքսի» ընկերությունների խումբը մեղադրել է ՀՀ կառավարությանը Ucom–ն ապօրինի օտարելու փորձի մեջ, իսկ ՀՀ վարչապետի մամուլի քարտուղար Մանե Գևորգյանը ներկայացրել է փոխադարձ մեղադրանքներ։ Այս մասին հաղորդում է ARKA-Telecom հեռահաղորդակցական պորտալը։

«Գալաքսիի» մեղադրանքները

«Գալաքսի» ընկերությունների խմբի համահիմնադիր, Ucom ընկերության տնօրենների խորհրդի նախագահ Գուրգեն Խաչատրյանն այսօր հայտարարություն է տարածել (հաղորդագրությունն ուղարկվել է գործակալությանը), որում, մասնավորապես, ասվում է, որ երկրի բարձրաստիճան պաշտոնյաները պահանջում են օտարել Ucom–ն ու հայկական ՏՏ ոլորտի առաջատար IUnetworks ընկերությունը։

«Պահանջում ենք անհապաղ դադարեցնել ապօրինությունները և տեղեկացնում, որ ճնշումների, սադրանքների, պետական որոշ լծակների ոչ իրավաչափ կիրառման միջոցով իրականացվող ճնշումներին տեղի չենք տալիու։ Վստահ եմ, որ մեր հենքը օրինական է, բարոյական ու մենք չեն դարձնելու 12 տարվա ինստիտուցիոնալ կառույցը՝ իր սոցիալական կապիտալով ու մարդկային ճակատագրերով, սակարկությունների առարկա անգամ ամենածանր ճնշումների պարագայում», – նշվում է Խաչատրյանի հայտարարության մեջ։

Կառավարության պատասխանը

ՀՀ վարչապետի մամուլի քարտուղար Մանե Գևորգյանը Facebook–յան իր էջում արձագանքել է այս հայտարարությանը։

«Գագիկ Խաչատրյանի ընտանիքը ամենատարբեր առիթներով ի պատասխան ՀՀ վարչապետի այն ելույթներին, թե կոռումպացված պաշտոնատար անձանց, այդ թվում Պետեկամուտների կոմիտեի նախկին նախագահ Գագիկ Խաչատրյանի և նրա ընտանիքի կողմից Հայաստանի պետությունից և ժողովրդից թալանվածը կոպեկ առ կոպեկ պետք է վերադարձվի, հայաստանյան տարբեր պաշտոնյաների հետ իրենց նախաձեռնությամբ ունեցած շփումների ընթացքում պատրաստակամություն են հայտնել վերադարձնել իրենց թալանածը և վերականգնել պետությանը պատճառված վնասը», – գրել է Գևորգյանը։

Նա նշել է, որ ՀՀ կառավարության ունեցած տվյալներով «Գագիկ Խաչատրյանը և նրա որդիները ղեկավարել են Հայաստանում երկար տարիներ գործած կոռուպցիոն, մաֆիոզ համակարգ, ինչի արդյունքում կուտակել են մի քանի հարյուր միլիոն դոլարի ապօրինի հարստություն»: Վարչապետի դիրքորոշումն այն է, որ այդ թալանվածը պետք է մինչև վերջ վերադարձվի պետությանը:

«Ինչ վերաբերվում է Ucom ընկերությանը, նրա բաժնեմասերի օտարումը Հայաստանի Հանրապետության օրենսդրությամբ, հնարավոր է միայն ՀՀ կառավարության համաձայնությամբ: Այն բանից հետո, երբ ընկերության բաժնետերերի մեջ վեճ է ծագել և օրակարգում հայտնվել է բաժնետերերի կազմի փոփոխության հարց, կառավարության դիրքորոշումը եղել է այն, որ Խաչատրյանների բաժնեմասի վաճառքը հնարավոր կլինի միայն այն պարագայում, եթե այդ վաճառքի դիմաց ստացվող ողջ գումարը փոխանցվի Հայաստանի պետական բյուջե: Այս դիրքորոշումը ուժի մեջ է նաև այսօր՝ ապօրինի ծագմամբ ցանկացած գույքի պարագայում», – գրել է Գևորգյանը։

Նա հրապարակել է նաև վարչապետի դիրքորոշումը։ Եթե պարզվի, որ այս ողջ ընթացքում եղել են պաշտոնյաներ, ովքեր փորձել են այս գործընթացից անձնական օգուտներ ստանալ, նրանք պետք է պատասխան տան օրենքի առաջ նույն կերպ, «ինչպես Խաչատրյանների մաֆիոզ համակարգի ներկայացուցիչները»:

«Ասեմ նաև, որ վարչապետը մի քանի անգամ այդ թվում հրապարակային դժգոհություն է արտահայտել, որ հայտնի կոռուպցիոներների առնչվող քրեական գործերը չունեն հանրության կողմից ակնկալվող արդյունավետություն: Վարչապետը՝ առայժմ համբերատար, Հայաստանի իրավապահ համակարգից սպասում է արագ և կոնկրետ արդյունքների», – գրել է Գևորգյանը։

Նա նաև նշել է, որ կառավարությունը տեղեկություններ ունի, որ Ucom ընկերությունում կոռուպցիոն ծագման փայաբաժին ունի նաև Սերժ Սարգսյանի փեսա Միքայել Մինասյանը և Խաչատրյանների դե յուրե փայաբաժնի մի մասի սեփականատերը հենց Սերժ Սարգսյանի փեսա Միքայել Մինասյանն է:

«Վարչապետը ակնկալում է, որ իրավապահները պատշաճ քննության կենթարկեն նաև Սերժ Սարգսյանի ընտանիքի ղեկավարած կոռուպցիոն համակարգը, որը նույնպես արտահայտվել է տարբեր հաջողակ բիզնեսներում փայաբաժիններ ձեռքբերելով», – գրել է Գևորգյանը:

Քրեական գործեր Գագիկ Խաչատրյանի դեմ և Ucom–ի բաժնետոմսերի կալանք

ՀՀ ֆինանսների նախկին նախարար և ՊԵԿ նախկին ղեկավար Գագիկ Խաչատրյանը, ով այս պահին կալանավորված է, ձերբակալվել է ԱԱԾ–ի  կողմից 2019թ.–ի օգոստոսի 27–ին քրեական օրենսգրքի` «Ծանր հետևանքների առաջացմամբ զուգորդված պաշտոնեական դիրքի չարաշահում» և «Առանձնապես խոշոր չափերով գույքի վատնում» հոդվածներով նախատեսված հանցագործություններ կատարելու կասկածանքով։

Այսօր` ապրիլի 28–ին, ԱԱԾ–ն հայտնեց 22,4 մլն դոլարի չափով կաշառք տալու քրեական գործի բացահայտման մասին։ Գերատեսչությունը ներկայացրել է հանցավոր սխեմայի մանրամասները, որին, ըստ քննության, առնչություն են ունեցել խոշոր ձեռնարկության գլխավոր տնօրենն ու բարձրաստիճան պաշտոնյան (ֆինանսների նախկին նախարար, ՊԵԿ նախկին ղեկավար)` իր որդիների հետ։

Ինչպես ավելի վաղ տեղեկացրել էր hetq.am–ը, հղում անելով պետռեգիստրի տվյալներին, 2020թ.–ի մարտի 27–ին Ucom ընկերության` Խաչատրյաններին պատկանող մասնաբաժնի վրա կալանք է դրվել։

«Գալաքսի» ընկերությունների խմբի նույն հայտարարության մեջ նշվում է, որ «բոլոր գույքերի, այդ թվում Ucom և IUnetworks ընկերությունների բաժնեմասերի վրա դրված է անօրինական կալանք»։

Загружается новость ... "Лево"

Իսկ ի՞նչ եղավ Ucom–ի հետ

Ապրիլի 9–ին ընկերության համահիմնադիր և ներկայում նախկին գլխավոր տնօրեն Հայկ Եսայանն ու Ucom–ի ողջ ղեկավարությունը որոշեցին դադարեցնել իրենց աշխատանքային պարտականությունները, ինչից հետո ընկերության ավելի քան 800 աշխատակից գրեցին աշխատանքից ազատման դիմում։ Ընկերության մամուլի ծառայության հայտարարության մեջ նշվում էր, որ ստեղծված իրավիճակի պատճառը բաժնետերերի միջև ծագած տարաձայնություններն են։

Ապրիլի 20–ին Եսայանը, ով եղբոր հետ Ucom–ի բաժնետոմսերի մոտ 6%–ի սեփականատերն է, հայտարարեց ընկերությունից վերջնականապես հեռանալու մասին այն բանից հետո, երբ չէր ընդունվել 34 մլրդ դրամով (մոտ 70 մլն դոլար) բաժնետոմսերի հիմնական մասը (94,01%) գնելու նրա առաջարկը, իսկ Տնօրենների խորհուրդը գլխավոր տնօրենի պաշտոնում հաստատեց Հայկ Խաչատրյանին։

Նշենք, որ «Գալաքսին», ըստ էության, Ucom–ի բաժնետոմսերի խոշորագույն սեփականատերն է, Գագիկ Խաչատրյանի ընտանիքին է պատկանում մոտ 78%–ը։

«Գալաքսի» ընկերությունների խմբի մասին

«Գալաքսի» ընկերությունների խումբը հիմնադրվել է 1999թ.-ին Գուրգեն, Արտյոմ և Արամ Խաչատրյանների կողմից և գործունեության 20 տարիների ընթացքում կարողացել է դառնալ երկրի թիվ մեկ գործատուներից մեկը՝ մոտ 3000 բարձր վարձատրվող աշխատակիցներով։ «Գալաքսի» ընկերությունների խումբը Հայաստանի խոշոր հարկատուներից մեկն է՝ տարեկան 13-15 միլիարդ ՀՀ դրամ հարկային վճարումներով։

Ucom ընկերության մասին

Ucom (Universal Communications) հայկական ընկերությունը հիմնադրվել է 2007թ.–ին։ Այն, լինելով Հայաստանի հեռահաղորդակցական շուկայի առաջատարներից մեկը, տրամադրում է ոլորտի ծառայությունների ողջ շրջանակը` գերարագ սիմետրիկ ինտերնետ, IP հեռուստատեսություն, թվային հեռախոսակապ ($1 - 479,58 դրամ)։–0–

Partners News
Partners News
ԱՌԿԱ գործակալություն
Բաժնի այլ նյութեր
12:12
29 Հոկտեմբերի 2021
Թվային փոխակերպում. Ամերիաբանկն առաջինը Հայաստանում ներդնում է էկոհամակարգերի առցանց միջավայր
Ամերիաբանկը միակն է Հայաստանում, որը ստեղծել է թվային էկոհամակարգերի և լուծումների համախումբ
14:02
03 Օգոստոսի 2021
Հայաստանում արդեն շրջանառվում է COVID-19–ի «Դելտա» վտանգավոր շտամը.ի՞նչ է հայտնի նրա մասին
Հայաստանում արդեն շրջանառվում է COVID-19–ի «Դելտա» վտանգավոր շտամը. պատմում ենք նրա վտանգի և առանձնահատկությունների մասին
10:15
25 Հունիսի 2021
Կցանկանայինք զարգանալ, բայց տարածք չկա. Sevan Startup Summit 2021–ը չի կայանա, իշխանությունները տարածք չեն տրամադրել
Կցանկանայինք զարգանալ, բայց տարածք չկա. Sevan Startup Summit 2021–ը չի կայանա, իշխանությունները տարածք չեն տրամադրել
11:19
04 Հունիսի 2021
Թշնամու նշանառության տակ. ինչպե՞ս են ապրում տավուշցիներն Ադրբեջանի կողմից օկուպացիայի սպառնալիքի ներքո. «Նովոստի–Արմենիա»–ի ռեպորտաժը սահմանամերձ Տավուշից (ՖՈՏՈ, ՎԻԴԵՈ)
Թշնամու նշանառության տակ. ինչպե՞ս են ապրում տավուշցիներն Ադրբեջանի կողմից օկուպացիայի սպառնալիքի ներքո. «Նովոստի–Արմենիա»–ի ռեպորտաժը սահմանամերձ Տավուշից.ՖՈՏՈ, ՎԻԴԵՈ
14:17
25 Փետրվարի 2021
Արցախյան պատերազմ. հադրութցի փախստականների կյանքը պատերազմից առաջ և հետո. ԷՔՍԿԼՅՈՒԶԻՎ
Արցախյան պատերազմ. հադրութցի փախստականների կյանքը պատերազմից առաջ և հետո. ԷՔՍԿԼՅՈՒԶԻՎ
16:53
18 Նոյեմբերի 2020
Ի՞նչ է VPN–ը, ինչո՞ւ է այն հարկավոր
Ի՞նչ է VPN–ը, որ՞ն է դրա առավելությունը, ո՞վ կարող է դրանից օգտվել և ինչպե՞ս, պատասխանում ենք այս թեմայի վերաբերյալ բոլոր հիմնական հարցերին
14:48
27 Հոկտեմբերի 2020
Ձախողված ադրբեջանա–թուրքական բլիցկրիգ. այսօր լրանում է արցախյան երկրորդ պատերազմի մեկ ամիսը
Ձախողված ադրբեջանա–թուրքական բլիցկրիգ. այսօր լրանում է արցախյան երկրորդ պատերազմի մեկ ամիսը
18:24
13 Հոկտեմբերի 2020
Քաղաքական տեսաբան Մաքսիմ Յուսինը` Մոսկվայի դերակատարության մասին հայ–ադրբեջանական հակամարտության մեջ
Քաղաքական տեսաբան Մաքսիմ Յուսինը վերլուծում է Ղարաբաղում իրավիճակի սրման հարցում պաշտոնական Մոսկվայի դիրքորոշումը, ինչպես նաև այն, թե ով և ինչ է խանգարում հրադադարի հաստատմանը
21:47
10 Օգոստոսի 2020
Դարը որպես մեկ ակնթարթ և Թուրքիայի սինդրոմը. հայացք Սևրի պայմանագրին Հայաստանից
Դարը որպես մեկ ակնթարթ և Թուրքիայի սինդրոմը. հայացք Սևրի պայմանագրին Հայաստանից
09:30
27 Հուլիսի 2020
Ո՞րն է նպատակը․ Հայաստանում տարակուսանքի մեջ են ադրբեջանական բիզնեսի վնասը փոխհատուցելու հայազգի միլիարդատիրոջ որոշման պատճառով
Սոցցանցերի հայկական տիրույթում տարակուսանքով են ընդունել միլիարդատեր Սերգեյ Սարկիսովի՝ Մոսկվայում տեղի ունեցած դեպքերի հետևանքով տուժած ադրբեջանական բիզնեսին աջակցելու պատրաստակամությունը
14:29
18 Հուլիսի 2020
«Պատերազմ» ընդդեմ ծիրանի․ հայկական ֆլեշմոբը հաղթում է Մոսկվայում ադրբեջանական սադրանքներին (ՖՈՏՈ, ՎԻԴԵՈ)
«Պատերազմ» ընդդեմ ծիրանի․ հայկական ֆլեշմոբը հաղթում է Մոսկվայում ադրբեջանական սադրանքներին․ ՖՈՏՈ, ՎԻԴԵՈ
09:50
17 Հուլիսի 2020
Ալիևը չի կարող ընդունել ռազմական պարտությունը և ողջ պատասխանատվությունը գցում է ԱԳՆ-ի վրա. փորձագետը՝ Մամեդյարովի պաշտոնից հեռացման մասին (ԷՔՍԿԼՅՈՒԶԻՎ)
Ալիևը չի կարող ընդունել ռազմական պարտությունը և ողջ պատասխանատվությունը գցում է ԱԳՆ-ի վրա. փորձագետը՝ Մամեդյարովի պաշտոնից հեռացման մասին (ԷՔՍԿԼՅՈՒԶԻՎ)