«Չելսին» պատրաստ է 20 մլն ֆունտով վաճառել Տոռեսին ցանկացած ֆուտբոլային ակումբի

«Չելսիի» մարզչական շտաբը պատրաստ է հունվարին տրանսֆերային պատուհանի ժամանակ 20 մլն ֆունտով վաճառել ֆուտբոլիստ Ֆեռնանդո Տոռեսին, հաղորդում է Daily Mail հրատարակությունը:

Իսպանացի հարձակվողը, որի տեղափոխությունը «Լիվերպուլից» 2011 թ.-ի հունվարին «Չելսիի» համար արժեցավ ռեկորդային 50 մլն ֆունտ, այդպես էլ չկարողացավ անհրաժեշտ մակարդակ ցույց տալ: Սկզբից «Չելսիի» ղեկավարությունը նախատեսում էր Տոռեսին «վարձով» տրամադրել, որպեսզի հարձակվողը վերադարձնի իր նախկին վստահությունը, սակայն այժմ ակումբը պատրաստ է վաճառել խաղացողին: Ինչպես հաղորդում են ԶԼՄ-ները, «Չելսին» կհամաձայնի 20 մլն ֆունտով վաճառել ֆուտբոլիստին ցանկացած ֆուտբոլային ակումբի, հաղորդում է «ՌԻԱ Նովոստին»:

«Չելսի» ակումբի գլխավոր մարզիչ Անդրե Վիլաշ-Բոաշը, ով այս ամառ է գլխավորել ակումբը, երկար ժամանակ «Էլ Նինյոյի» հետ հույսեր էր կապում, սակայն նրա համբերության «բաժակը լցվեց»:

Հարձակվողը «Չելսիի» կազմում ընդամենը 5 գոլի հեղինակ է դարձել: Այս սեզոնի ընթացքում նա ընդամենը չորս գոլ է խփել, ընդ որում գոլերից երկուսը իսպանացին խփել է Չեմպիոնների լիգայի խմբային փուլի շրջանակներում Բելգիայի «Գենկա» ակումբի հետ խաղի ժամանակ:-0-