Հայ հեծանվորդներն արծաթե մեդալ են նվաճել SILK WAY SERIES ASTANA միջազգային մրցաշարում (ՖՈՏՈ)

ԵՐԵՎԱՆ, 20 մայիսի․/Նովոստի–Արմենիա/․ Հայ հեծանվորդներ Էդուարդ Գրիգորյանն ու Դավիթ Մաթևոսյանն արծաթե մեդալ են նվաճել SILK WAY SERIES ASTANA միջազգային մրցաշարում։

Ինչպես հայտնում է Հայաստանի հեծանվային մարզաձևերի ֆեդերացիան, Հայաստանի հեծանվասպորտի հավաքականի երիտասարդ մարզիկներ Էդուարդ Գրիգորյանը և Դավիթ Մաթևոսյանը, գլխավոր մարզիչ Դավիթ Մկրտչյանի ղեկավարությամբ, հաջող մասնակցություն ունեցան Ղազախստանում անցկացվող SILK WAY SERIES ASTANA միջազգային մրցաշարին։ 

«Madison (Men Junior) մրցաձևում մեր զույգը ցուցադրեց մարտական և համախմբված ելույթ՝ զբաղեցնելով 2-րդ հորիզոնականը և նվաճելով արծաթե մեդալ։ Սա կարևոր արդյունք է մեր պատանի և երիտասարդ մարզիկների միջազգային փորձի և առաջընթացի ճանապարհին»,– նշվում է հաղորդագրության մեջ։