Ըմբիշ Սարգիս Բեգոյանը դարձել է Մ-23 տարեկանների աշխարհի առաջնության բրոնզե մեդալակիր

ԵՐԵՎԱՆ, 19 հոկտեմբերի․ /Նովոստի-Արմենիա/․ Հայաստանի ազատ ոճի ըմբիշ Սարգիս Բեգոյանը բրոնզե մեդալ է նվաճել մինչև 23 տարեկանների աշխարհի առաջնությունում, հայտնում է Հայաստանի ըմբշամարտի ֆեդերացիան։

Հայ ըմբիշը բրոնզե գոտեմարտում 14։9 հաշվով առավելության է հասել ուզբեկ մրցակցի նկատմամբ։ Նա կկանգնի պատվո հարթակի 3-րդ աստիճանին։

Սա ազատ ոճայինների առաջին մեդալն է ընթացիկ մրցաշարում:

Նշենք, որ ԱՄՆ-ի Լաս Վեգաս քաղաքում ավարտվել է ազատ ոճի ըմբշամարտի մինչև 23 տարեկանների (Մ23) 2026 թվականի աշխարհի առաջնությունը։

Հայաստանի հավաքականն առաջնությունն ավարտել է մեկ բրոնզե մեդալով՝ թիմային հաշվարկում զբաղեցնելով 9-րդ տեղը և վաստակելով 49 միավոր։ Հայկական թիմի միակ մեդալը նվաճել է 61 կգ քաշային կարգում հանդես եկած Սարգիս Բեգոյանը, հայտնում է sportaran-ը։