552.69
6.6
487.98
+7
Եղանակը Երևանում
Հայ

Համազգային անտեղի ու լկտի տվայտանքներ Արոնյանի դեմ. շախմատիստի մայրը մեկնաբանել է գրոսմայստերի շուրջ առաջացած աղմուկը

19:58
09 Փետրվարի 2021

ԵՐԵՎԱՆ, 9 փետրվարի./Նովոստի–Արմենիա/. Հայ ուժեղագույն շախմատիստ, օլիմպիական եռակի չեմպիոն, ՖԻԴԵ–ի կրկնակի գավաթակիր Լևոն Արոնյանի մայրը` Սեդա Արոնովան Facebook–յան իր էջում մեկնաբանել է որդու հասցեին հնչող «համազգային անտեղի ու լկտի տվայտանքները»։

«Որոշել էի չարձագանքել որդուս՝ Լևոն Արոնյանի դեմ համազգային անտեղի ու լկտի տվայտանքներին՝ որպես ազգադավ մարդու: Եթե Լևոնը մեղադրվում է Հայաստանի գումարները «լափելու» մեջ, տեղեկացնեմ, որ որպես թիմի կապիտան, նա ստանում է ընդամենը 200 հազար դրամ, իսկ աստղաբաշխական գումարների մասին տեղեկատվության վերաբերյալ նշեմ, որ դրանք նրան չեն եղել հասցեագրված:

Դրանք փոխանցվել են Հայաստանի շախմատի ֆեդերացիային հատուկ սերվերից օգտվելու թույտվության ձեռքբերման նպատակով, և այդ սերվերից օգտվել է ոչ միայն ինքը: Ւ դեպ, սերվերից օգտվելու թույլտվությունը դադարեցվել է 2020թ.-ից», – նշել է Արոնյանի մայրը։

Լևոնի կատարած բարեգործության մասին

Արոնովան նաև անդրադարձել է Արոնյանի կատարած բարեգործությանը, որի մասին, չգիտես ինչու, ոչ ոք չի գրում:

«Ես նույնպես զերծ կմնամ նրա կողմից բարեգործական նպատակներով պարբերաբար փոխանցված գումարների չափը հրապարակելուց:

Նշեմ միայն, որ հատուկ Արցախին օգնելու նպատակով ընդունել է հրավերներ, օրինակ, դասախոսություն է կարդացել ԱՄՆ-ի բասկետբոլի ասոցիացիայի համար, որից ստացված ողջ գումարը փոխանցել է Հիմնադրամին», – նշել է Սեդա Արոնովան։

Նրա խոսքով, Լևոնը, ի նպաստ Հայաստանի և Արցախի, բարեգործություն է անում ինչպես սեփական միջոցներով, այնպես էլ օգտագործելով իր հեղինակությունն աշխարհում. նրա հորդորով աշխարհի տարբեր երկրներից օտարերկրացի ընկերները պատերազմի ընթացքում մեծ գումարներ են փոխանցել Համահայկական հիմնադրամին:

«Ավելորդ» գրոսմայստերական դպրոց

Արոնովան նշել է նաև, որ Լևոնի և Գաբրիել Սարգսյանի ջանքերով ստեղծվել և գործում էր գրոսմայստերական դպրոց, որը 2018 թ.-ին փակվեց` համարվելով ավելորդ (դպրոցը զրկվել է պետական ֆինանսավորումից, խմբգր.): Արդյունքում մարզիկները սփռվեցին աշխարհով մեկ, որոնցից այդ դպրոցի մարզիչ գրոսմայստեր Արսեն Եղիազարյանի դիակը անցյալ տարի Ղազախստանից տեղափոխվեց Հայաստան:

Նա նաև նշել է, որ այսօր գրոսմայստերներ Վլադիմիր Հակոբյանը մարզում է ԱՄՆ-ի, Հրանտ Մելքումյանը՝ Ավստրալիայի, Սերգեյ Մովսիսյանը՝ Չեխիայի երեխաներին և այլն, իսկ երիտասարդ հայ գրոսմայստերների համար մարզման վայր է Լևոն Արոնյանի բնակարանը: 

«Այս պահին Լևոնը գտնվում է Հայաստանում և հաջողությամբ խաղում է ՀԱՅԿԱԿԱՆ ԴՐՈՇԻ ներքո, սակայն ոչ մի լրատվամիջոց՝ ոչ ընդդիմադիր, ոչ իշխանամետ, նրա հաղթանակները չի լուսաբանում», – հայտարարել է Արոնյանի մայրը։

Նա ավելացրել է, որ Լևոնը հազարապատիկ ավել վարձատրությամբ այլ երկրների հավաքականներում հանդես գալու բազմաթիվ առաջարկներ է ստացել և ստանում: 

«Մինչ այժմ հրաժարվել է դրանցից, թե ինչ որոշում կկայացնի այս անգամ, տեսնելով այս համազգային հոգեխանգարմունքը, չեմ կարող ասել», – գրում է Արոնովան։

«Ձեր չստացված կյանքի համար ոչ ոք մեղավոր չէ, դադարեցրեք քննադատել տաղանդավոր գրոսմայստերին՝ փորձելով նրան ներկայացնել որպես հայրենիքն ու ընտանիքը ուրացողի: Խնդրում եմ նկատեք, որ Լևոնի մասնակցությունը Հայաստանի շախմատային կյանքին ֆեդերացիայի նախագահ Սերժ Սարգսյանի փիառի համար չէր, դա աշխարհում Հայաստանի վարկանիշի և պատվի համար էր:

Համաշխարհային հանրությունը այս հաղթանակներով Հայաստանն էր գնահատում, ոչ թե ֆեդերացիայի նախագահին, բավական է որդուս պատմական ձեռքբերումները քաղաքականացնեք», – նշել է Լևոն Արոնյանի մայրը։

Հռչակավոր շախմատիստի ձեռքբերումները

Արոնովան ընդգծել է, որ օլիմպիական չեմպիոնները «նախկին» չեն լինում: 

«Իսկ թե ով է իրականում Արոնյանը, ինչ է արել մեր երկրի համար, բնակչության «ամենագետ» սկլեռոտիկ հատվածի համար հիշեցնում եմ հայ ազգի փառավոր էջերից մի քանիսը.

• Ստամբուլում թուրքերին հարկադրաբար ոտքի կանգնացնելը Հայաստանի Օրհներգի հնչյունների ներքո՝ 2012 թվականի համաշխարհային շախմատային օլիմպիադայի փակմանը Հայաստանի հավաքականի հաղթանակի առթիվ:

• Լևոնի առաջնորդությամբ 2006, 2008, 2012 թթ. պատմական հաղթանակների շնորհիվ ՝ Հայաստանը դարձավ եռակի օլիմպիական չեմպիոն, իսկ 2010թ. –ին՝ աշխարհի թիմային չեմպիոն:

«Արդեն 15 տարի է Լևոնը ԱՇԽԱՐՀԻ լավագույն շախմատիստների տասնյակում է (այսօր իր գործակցով 5-րդն է), շախմատի ամբողջ պատմության մեջ համարվում է 4-րդը (Կարլսեն, Կասպարով, Կարուանա, Արոնյան-2835 գործակից)», – նշել է գրոսմայստերի մայրը։ 

Լևոնը եզակի՝ կրկնակի աշխարհի գավաթակիր է, երկրորդ գավաթը նա նվաճել է Թբիլիսիում, որտեղ անցկացվող առաջնությունը ֆինանսավորում էր Ադրբեջանը և բնական է, որ հայ գրոսմայստերի հաղթանակը ցավոտ հարված էր նրանց համար։

Չեմպիոնի հայկական ազգանունը 

Արոնովան նաև  ընդգծել է, որ մեր ազգից շատերն են փոխել իրենց ազգանունները՝ վերցնելով –ով, և, օղլու և այլ վերջածանցներ, իսկ «որդիս, կիսով չափ հրեա լինելով, իր ազգանունը փոխել է հակառակ տրամաբանությամբ՝ Արոնով ազգանունը դարձնելով ԱրոնՅԱՆ»: 

«Այսքանից հետո, բարոյականություն քարոզողներ, հասկանու՞մ եք ՈՎ ՈՒՄ է համարձակվում քննադատել: Ձեր տեսակով դուք վտանգ եք մեր հայրենիքի համար: Հիշեք «Կտոր մը երկինք» ֆիլմից հայտնի դարձվածքը «Չար լեզու ունենալն է անառակություն»», – եզրափակել է Արոնովան։

Հիշեցնենք, որ օրերս Տելեգրամ ալիքներից մեկը գրել էր, որ Լևոն Արոնյանն իբր պատրաստվում է տեղափոխվել ԱՄՆ և հանդես գալ այդ երկրի դրոշի ներքո։ Լևոն Արոնյանից կամ Հայաստանի շախմատի ֆեդերացիայից պաշտոնական հաստատում կամ հերքում դեռ չի ստացվել։–0–

Partners News
Partners News
ԱՌԿԱ գործակալություն
Բաժնի այլ նյութեր
13:37
01 Դեկտեմբերի 2021
ՀՀ հաշմանդամային սպորտի ֆեդերացիայի մարզիկները 2 ոսկե և 2 բրոնզե մեդալ են նվաճել Հաշմանդամային բազկամարտի աշխարհի առաջնության մրցումային առաջին օրը
ՀՀ հաշմանդամային սպորտի ֆեդերացիայի մարզիկները 2 ոսկե և 2 բրոնզե մեդալ են նվաճել Բուխարեստում մեկնարկած Հաշմանդամային բազկամարտի աշխարհի առաջնության մրցումային առաջին օրը
10:09
01 Դեկտեմբերի 2021
Լևոն Արոնյանն այսօրվանից հանդես է գալու ԱՄՆ դրոշի ներքո
Լևոն Արոնյանն այսօրվանից հանդես է գալու ԱՄՆ դրոշի ներքո
20:58
30 Նոյեմբերի 2021
Կանանց ԱԱ Հայաստան-Նորվեգիա հանդիպումն անավարտ մնաց մառախուղի պատճառով (ՖՈՏՈ)
Երևանում անցկացվող հանդիպումն անավարտ մնաց։ Հանդիպումն ընդհատվեց 69-րդ րոպեին, երբ հաշիվը 0:9 էր.ՖՈՏՈ
12:48
15 Նոյեմբերի 2021
Մխիթարյանը նշել է, թե երբ է պատրաստվում ավարտել ֆուտբոլային կարիերան
Հենրիխ Մխիթարյանը նշել է, թե երբ է պատրաստվում ավարտել ֆուտբոլային կարիերան
11:55
15 Նոյեմբերի 2021
Հայաստան-Գերմանիա խաղից հետո 3 մարզասեր դաշտ էր մտել (ՎԻԴԵՈ)
Հայաստան-Գերմանիա խաղից հետո 3 մարզասեր դաշտ էր մտել.ՎԻԴԵՈ
10:09
12 Նոյեմբերի 2021
Կապառոսը մեկնաբանել է Հյուսիսային Մակեդոնիայից կրած պարտությունը
Հայաստանի ֆուտբոլի հավաքականի գլխավոր մարզիչը մեկնաբանել է Հայաստանի հավաքականի պարտությունը Հյուսիսային Մակեդոնիայի ընտրանու դեմ խաղում
23:58
11 Նոյեմբերի 2021
Խայտառակ պարտություն. Հայաստանի ֆուտբոլի հավաքականը սեփական հարկի տակ 0։5 հաշվով պարտվեց Հյուսիսային Մակեդոնիայի հավաքականին
Խայտառակ պարտություն. Հայաստանի ֆուտբոլի հավաքականը սեփական հարկի տակ 0։5 հաշվով պարտվեց Հյուսիսային Մակեդոնիայի հավաքականին
17:37
10 Նոյեմբերի 2021
Հենրիխ Մխիթարյանը կարող է հեռանալ «Ռոմայից», նրանով հետաքրքրվում է մեկ այլ իտալական ակումբ
Հենրիխ Մխիթարյանը կարող է հեռանալ «Ռոմայից», նրանով հետաքրքրվում է մեկ այլ իտալական ակումբ
10:36
08 Նոյեմբերի 2021
Ըմբիշ Արսեն Հարությունյանը դարձել է աշխարհի մինչև 23 տարեկանների առաջնության չեմպիոն
Ըմբիշ Արսեն Հարությունյանը` աշխարհի առաջնության չեմպիոն
23:54
05 Նոյեմբերի 2021
Բռնցքամարտիկ Դավիթ Չալոյանը դարձավ Աշխարհի առաջնության փոխչեմպիոն
Բռնցքամարտիկ Դավիթ Չալոյանը դարձավ Աշխարհի առաջնության փոխչեմպիոն
19:30
04 Նոյեմբերի 2021
Բռնցքամարտիկ Դավիթ Չալոյանը մրցավարների միաձայն որոշմամբ փայլուն հաղթանակ տարավ ադրբեջանցու նկատմամբ (ՖՈՏՈ)
Բռնցքամարտիկ Դավիթ Չալոյանը մրցավարների միաձայն որոշմամբ փայլուն հաղթանակ տարավ ադրբեջանցու նկատմամբ.ՖՈՏՈ
10:27
01 Նոյեմբերի 2021
Մեսսին չի բացառել իր վերադարձը «Բարսելոնա»
Մեսսին չի բացառել իր վերադարձը «Բարսելոնա»