0
Եղանակը Երևանում
Հայ

Չեմպիոն Լևոն Արոնյանը հեռանում է Հայաստանից, նա բացատրել է պատճառները

14:13
26 Փետրվարի 2021

ԵՐԵՎԱՆ, 26 փետրվարի./Նովոստի–Արմենիա/. Հայաստանի ուժեղագույն շախմատիստ, օլիմպիական եռակի չեմպիոն, ՖԻԴԵ–ի կրկնակի գավաթակիր Լևոն Արոնյանը որոշել է հեռանալ Հայաստանից։

Նա գրառում է կատարել Facebook–յան իր էջում ու նշել կայացրած որոշման պատճառները։

Ավելի վաղ Telegram ալիքներից մեկը գրել էր, որ Արոնյանն իբր պատրաստվում է տեղափոխվել ԱՄՆ և հանդես գալ այդ երկրի դրոշի ներքո։ Արոնյանի մայրը մեկնաբանել էր իրավիճակը։

Ստորև ներկայացնում ենք Արոնյանի գրառումն առանց փոփոխության.

«Անցյալ տարին չափազանց ծանր էր բոլորիս համար՝ համաճարակ, պատերազմ, իմ դեպքում նաև՝ անձնական դժբախտությունն ու պետության բացարձակ անտարբերությունը հայկական շախմատի նկատմամբ: Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են:
Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա, որ ստիպված եմ կայացնել բեկումնային որոշում և հեռանալ հարազատ երկրից: Ակնհայտ է, որ փոփոխության ակնկալիքի յուրաքանչյուր տարին իմ մարզական կարիերայի տեսանկյունից վատնված տարի է: Իսկ ես չափազանց բարձր եմ գնահատում ընտանիքիս, հատկապես մայրիկիս զոհաբերությունները՝ որպես շախմատիստ իմ կայանալու գործում, որ չօգտագործեմ առավելագույնին հասնելու իմ հնարավորությունը:

Ես անկեղծորեն հպարտանում եմ նրանով, որ պատիվ եմ ունեցել զգալի ներդրում ունենալու հայկական շախմատի մեծագույն ձեռքբերումներում․ օլիմպիական երեք ոսկի, ոսկիներ աշխարհի և Եվրոպայի առաջնություններում, աշխարհի երկու գավաթ, մի շարք անհատական և թիմային հաղթանակներ: Կարծում եմ՝ պարզ է, որ շախմատում հնարավոր չի հասնել համաշխարհային բարձունքների՝ առանց տևական ժամանակ կատարվող հսկայական աշխատանքի և պետության նպատակային օժանդակության: Կարևոր է նշել, որ մեր շախմատային հաջողություններում էական գործոն էր Հայաստանի երրորդ նախագահ Սերժ Սարգսյանի անձնական ուշադրությունը և տարիներ շարունակ ցուցաբերած կարևոր աջակցությունը:

2018 թվականի հեղափոխությունից հետո նոր կառավարությունը խոստացավ շարունակել այդ գիծը, սակայն խոստումը սահմանափակվեց ընդամենը մեկ տարի մասնակի օժանդակությամբ, որից հետո դա էլ դադարեց: Այդ ընթացքում շախմատի ասպարեզ ներխուժեցին սպորտաձևից բացարձակ անտեղյակ նորաթուխ պետական գործիչներ, որոնք մեր հաջողությունները վերագրելով իրենց, սկսեցին ինքնահաստատվել՝ նույնիսկ շանտաժի միջոցով: Նրանց հաջողվեց պառակտել տարիներով ձևավորված շախմատային համերաշխ ընտանիքը և ոլորտը վերածել քաոսի: Իմ մտահոգությունը իրավիճակի վերաբերյալ բազմաթիվ անգամ փորձել եմ ներկայացնել կրթության, գիտության, մշակույթի և սպորտի նախկին նախարար Արայիկ Հարությունյանին, ոլորտի այլ պատասխանատուներին, ինչպես նաև ՀՀ վարչապետին՝ նրա հետ այս 3 տարիների ընթացքում ունեցած միակ հանդիպման ժամանակ, որի համար նա խստորեն սահմանել էր 15 րոպե:

Շախմատի ոլորտում կայացվող կործանարար որոշումները կասեցնելու իմ բոլոր փորձերը տապալվեցին: Ինձ այդպես էլ չհաջողվեց բացատրել նոր կառավարությանը, որ շախմատը մեր երկրում մեծ ժառանգություն է, և որ այս ոլորտում մեր հաջողությունները, թերևս, մեր երկրի ամենամեծ ձեռքբերումներից են: Անձամբ ինձ համար հայկական շախմատի հաղթանակները Անկախ Հայաստանի երկրորդ հպարտությունն են՝ 1992-1994թթ. Արցախյան ազատամարտում մեր հաղթանակից հետո:

Ես այդպես էլ չկարողացա նրանց փոխանցել այն պարզ ճշմարտությունը, որ պետական աջակցություն խնդրում եմ ոչ թե անձամբ ինձ համար, այլ մեր հաջողություններով հայրենիքին ծառայելու և փառք բերելու հնարավորության, ինչը տասնամյակներ շարունակ Հայաստանը հնարավոր է այլևս չունենա:
Պատասխանը եղավ. «Մեր փորձագետները գտնում են, որ Լևոն Արոնյանը այլևս պոտենցիալ չունի»:

Անմիջապես այս «դատավճռից» հետո Ստավանգերի հեղինակավոր մրցաշարին ես պարտության մատնեցի և՛ աշխարհի չեմպիոնին, և՛ աշխարհի թիվ երկու խաղացողին:

Տարիներ շարունակ ես տարբեր երկրներից հանդես գալու բազմաթիվ գրավիչ առաջարկներ եմ ստացել: Այդ թվում, ամերիկացի մեծ բարերար և շախմատի սիրահար Ռեքս Սինկեֆելդի կողմից, որն ամեն տարի կրկնում էր Միացյալ Նահանագներ տեղափոխվելու իր առաջարկը: Ես ամեն անգամ մերժումս հիմնավորում էի նրանով, որ այն ինչ արվում էր իմ պետության կողմից շախմատի զարգացման համար անգնահատելի էր, և որ ոչ մի նյութական արժեք չէր կարող համեմատվել այն հարգանքի հետ, որ վայելում էր շախմատիստը Հայաստանում:
Ուզում եմ երախտագիտությունս հայտնել հարգարժան Ռեքս Սինկեֆելդին, որ այսօր էլ շարունակում է հավատալ ինձ: Շնորհակալ եմ նաև Ֆաբիանո Կարուանային, ով լինելով Ամերիկայի ուժեղագույն խաղացողը, աջակցում է ինձ և կիսում թիմակիցներ լինելու որոշումս: Ես շատ շնորհակալ եմ նաև ընտանիքիս, հարազատներիս, ընկերներիս և բոլոր այն մարդկանց, ովքեր գիտեն իմ սկզբունքները և հասկանում են ինձ:

Մայրս հաճախ է կրկնում հայկական ասացվածքը. «Աստված ամեն մարդու իր չափով է փորձություն տալիս»: Իմ կյանքում շատ փորձություններ են եղել, և յուրաքանչյուր նորը ես ընդունում եմ խոնարհությամբ և երեկվա համեմատ ավելի լավը լինելու պատրաստակամությամբ: Հուսով եմ՝ այս մեկն էլ արժանապատվորեն կհաղթահարեմ:

Համոզված եմ, որ կանցնի ժամանակ, և շախմատը Հայաստանում կվերադառնա իր կարգավիճակին: Եվ փակվող շախմատային դպրոցների և հեռացած նվիրյալների փոխարեն մենք կրկին կտեսնենք հարգանք այն սպորտաձևի նկատմամբ, որտեղ մենք՝ որպես ազգ և երկիր, ունեցել ենք և, կարծում եմ, դեռ կունենանք մեր կայուն տեղը:

Իսկ մինչ այդ, ուզում եմ ևս մեկ անգամ հավաստիացնել, որ բոլոր թելերով կապված եմ հայրենիքիս և անգամ հեռվից շարունակելու եմ հնարավորն ու անհնարինն անել իմ երկրի համար»:–0–


Partners News
ԱՌԿԱ գործակալություն
Բաժնի այլ նյութեր
23:57
28 Մարտի 2021
Հայաստանի հավաքականի պատմական նվաճումը. մեր թիմը երկրորդ անընդմեջ հաղթանակը տարավ 2022թ.–ի աշխարհի առաջնության ընտրական փուլում
Հայաստանի հավաքականի պատմական նվաճումը. մեր թիմը երկրորդ անընդմեջ հաղթանակը տարավ 2022թ.–ի աշխարհի առաջնության ընտրական փուլում
00:35
20 Մարտի 2021
Ըմբշամարտի օլիմպիական մրցաշարում հայ ըմբիշ Վազգեն Թևանյանը 9։0 հաշվով ջախջախեց ադրբեջանցի Հաջի Ալիևին (ՎԻԴԵՈ)
Ըմբշամարտի օլիմպիական մրցաշարում հայ ըմբիշ Վազգեն Թևանյանը 9։0 հաշվով ջախջախեց ադրբեջանցի Հաջի Ալիևին. ՎԻԴԵՈ
12:21
19 Մարտի 2021
Երկու հայ ըմբիշներ օլիմպիական խաղերի ուղեգրեր են նվաճել (ՖՈՏՈ)
Ըմբիշներ Արսեն Հարությունյանն ու Վազգեն Թևանյանն օլիմպիական խաղերի ուղեգրեր են նվաճել. ՖՈՏՈ
20:25
04 Մարտի 2021
Վազգեն Մանուկյանը դիմել է Լևոն Արոնյանին, ի՞նչ է խոստացել ընդդիմադիրը գրոսմայստերին
Վազգեն Մանուկյանը դիմել է Լևոն Արոնյանին, ի՞նչ է խոստացել ընդդիմադիրը գրոսմայստերին
23:36
27 Փետրվարի 2021
Ըմբշամարտի միջազգային մրցաշարում հայ ըմբիշ Արման Ավագյանը ջախջախեց ադրբեջանցի ըմբիշին (ՎԻԴԵՈ)
Ըմբշամարտի միջազգային մրցաշարում հայ ըմբիշ Արման Ավագյանը ջախջախիչ պարտության մատնեց ադրբեջանցի ըմբիշին. ՎԻԴԵՈ
00:31
27 Փետրվարի 2021
«Նրա իրավունքն ա, որոշել ա, գնում ա». ԿԳՄՍ նախարարը` Լևոն Արոնյանի երկրից գնալու մասին (ՎԻԴԵՈ)
«Նրա իրավունքն ա, որոշել ա, գնում ա». ԿԳՄՍ նախարարը` Լևոն Արոնյանի երկրից գնալու մասին. ՎԻԴԵՈ
19:58
09 Փետրվարի 2021
Համազգային անտեղի ու լկտի տվայտանքներ Արոնյանի դեմ. շախմատիստի մայրը մեկնաբանել է գրոսմայստերի շուրջ առաջացած աղմուկը
Համազգային անտեղի ու լկտի տվայտանքներ Արոնյանի դեմ. շախմատիստի մայրը մեկնաբանել է գրոսմայստերի շուրջ առաջացած աղմուկը
14:36
05 Փետրվարի 2021
Ադելիա Պետրոսյանը Ռուսաստանի գեղասահքի պատանեկան առաջնության արծաթե մեդալ է նվաճել (ՎԻԴԵՈ)
Ադելիա Պետրոսյանը ՌԴ գեղասահքի պատանեկան առաջնության արծաթե մեդալ է նվաճել` հանդես գալով «Արցախ» ստեղծագործության հնչյունների ներքո. ՎԻԴԵՈ
14:34
01 Փետրվարի 2021
Յուրա Մովսիսյանը որոշել է ավարտել ֆուտբոլային կարիերան և նոր պաշտոն է ստացել
Յուրա Մովսիսյանը որոշել է ավարտել ֆուտբոլային կարիերան և նոր պաշտոն է ստացել
16:45
14 Հունվարի 2021
Իրանցի մարզիկն իր ոսկե մեդալը նվիրել է Արցախի պատերազմի ժամանակ զոհված հայ մարզիկ Արթուր Սուքիասյանի ընտանիքին (ՖՈՏՈ)
Իրանցի մարզիկն իր ոսկե մեդալը նվիրել է Արցախի պատերազմի ժամանակ զոհված հայ մարզիկ Արթուր Սուքիասյանի ընտանիքին. ՖՈՏՈ
10:37
10 Հունվարի 2021
Մխիթարյանն ու «Ռոման» պայմանավորվել են պայմանագրի երկարաձգման շուրջ
Մխիթարյանն ու «Ռոման» պայմանավորվել են պայմանագրի երկարաձգման շուրջ
18:00
02 Հունվարի 2021
Հենրիխ Մխիթարյանը ճանաչվել է «Ռոմայի ամսվա լավագույն խաղացող» (ՎԻԴԵՈ)
Հենրիխ Մխիթարյանը ճանաչվել է «Ռոմայի ամսվա լավագույն խաղացող». ՎԻԴԵՈ