Կասպից ծովն առափնյա հատվածներում կարմիր երանգ է ստացել (ՎԻԴԵՈ)

ԵՐԵՎԱՆ, 15 փետրվարի./Նովոստի-Արմենիա/. Ղազախստանի Ակտաու քաղաքի բնակիչներին վախեցրել է Կասպից ծովի գույնը, որն առափնյա հատվածներում անսպասելիորեն կարմիր երանգ է ստացել, հաղորդում է ast.mk.ru-ն:

Գիտնականների խոսքով, ծովի բոսորագույն երանգը պայմանավորված է դիատոմիկ ջրիմուռների առկայությամբ: Տաք ձմեռը փոխել է տարբեր տեսակի ջրիմուռների զարգացման դինամիկան:

Գիտնականները նաև նշում են, որ ծովի նոր գույնը չի սպառնում շրջակա միջավայրին: Նրանց պնդմամբ, Կասպից ծովում ջուրն առաջին անգամ չէ, որ կարմիր երանգ է ստանում: -0-