Եվգենի Պետրոսյանն առաջին անգամ ցույց է տվել իր որդուն (ՖՈՏՈ)

ԵՐԵՎԱՆ, 16 սեպտեմբերի./Նովոստի-Արմենիա/. Հայտնի հումորիստ Եվգենի Պետրոսյանը իր Instagram-յան էջում առաջին անգամ հրապարակել է որդու լուսանկարը:

«Ահա և նա՝ Վահան Եվգենևիչ Պետրոսյան»,- գրել է Պետրոսյանը լուսանկարին կից, որտեղ գրկում է իր փոքրիկ որդուն: .

Պետրոսյանն այսօր դարձել է 75 տարեկան, իսկ նրա կինը այս տարվա մարտին տոնել է իր 31-ամյակը: Նրանք ամուսնացել են 2019թ.-ի վերջում:

Ավելի վաղ ռուսական ԶԼՄ-ները գրում էին, որ մարտի 13-ին ամուսինները փոքրիկ են ունեցել, սակայն պաշտոնական տեղեկատվություն մինչ այսօր չէր եղել: Ինչպես պնդում է Starhit հրատարակությունը, Պետրոսյանը և Բրուխունովան օգտվել են սուրոգատ մոր ծառայությունից՝ վճարելով վերջինիս մոտ 5 մլն ռուբլի:

Սա Պետրոսյանի երկրորդ զավակն է, նա ունի ևս մեկ դուստր՝ Վիկտորիան: Բրուխունովան մայր է դարձել առաջին անգամ: -0-