ԵՐԵՎԱՆ, 27 փետրվարի. /Նովոստի-Արմենիա/. Ռուսաստանում Հայաստանի դեսպան Վարդան Տողանյանը «Говорит Москва»-ին հայտնել է, որ ինքը «Независимая газета»-ից հերքում չի պահանջի ՝ Սումգայիթի ջարդերի մասին հոդվածի վերաբերյալ, բայց արդեն դիմել է Ռուսաստանի Դաշնության գլխավոր դատախազություն՝ պահանջելով հետաքննություն սկսել էթնիկական ատելության, այլատյացության և կրոնական անհանդուրժողականության հրահրման վերաբերյալ:
1988-ի փետրվարի 26-29-ը, Ադրբեջանի իշխանությունների փաստացի աջակցությամբ և ԽՍՀՄ ղեկավարության լուռ գիտակցմամբ, հայաբնակ Սումգայիթ քաղաքում (Ադրբեջանական ԽՍՀ) հայերի կոտորած տեղի ունեցավ, որի ընթացքում, ըստ պաշտոնական տվյալների, զոհվել է 32, վիրավորվել հարյուրավոր հայեր: Մի քանի օրվա ընթացքում Սումգայիթից 14 հազար հայ հեռացել է քաղաքից:
Լև Ասկերովի հեղինակած հոդվածում ասվում է, թե 1988-ի իրադարձությունները հրահրել են Բաքվի և Ստեփանակերտի եկեղեցականները, որոնք նախապատրաստում էին հայ քարոզիչ գրոհայիններին:
«Այն, ինչ տպագրվել է «Նեզավիսիմայա գազետայում», մենք համարում ենք պիղծ, անընդունելի և քրեորեն պատժելի»,- ասել է ՀՀ դեսպանը՝ հավելելով, որ դիմել է նաև Ռոսկոմնադզոր:
Դիվանագետը հավելել է, որ իրենք դիմել են նաև Ռոսկոմնադզոր՝ պարզելու, արդյոք չի խախտվել ԶԼՄ-ների մասին օրենքը, ԶԼՄ-ի արտոնագրման պայմանները:
«Այնուամենայնիվ, ԶԼՄ-ն ինչ-որ առումով պատասխանատվություն է կրում այս կամ այն տեղեկատվության համար: Պետք է հասկանալ, որ այս դեպքում խոսքը զրպարտության, միմյանց հանդեպ ատելություն բորբոքելու մասին է: Ուստի, ես դիմել եմ դատախազություն, ոչ միայն ես, այլև հայկական հասարակական կազմակերպությունները»,- նշել է նա:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում