481.19
7.22
457.49
+16
Եղանակը Երևանում
Հայ

Ինչպես դիմավորել Սպիտակ Ցուլի տարին

10:14
28 Դեկտեմբերի 2020

ԵՐԵՎԱՆ, 28 դեկտեմբերի./Նովոստի–Արմենիա/. Բավականին ծանր 2020թ.–ը շուտով կհասնի իր տրամաբանական ավարտին։ Ուզում ենք հավատալ, որ, հնարավոր է, գալիք` 2021թ.–ը կլինի ավելի բարենպաստ, և այն, իհարկե, պետք է նշել, թեկուզ համեստ, բայց ջերմ ընտանեկան միջավայրում։

2021թ.–ին Առնետը կառավարման ղեկը կհանձնի Սպիտակ Մետաղական Ցուլին։ Այդ կարևոր աստղագուշական իրադարձությունը տեղի կունենա փետրվարի 12–ին և մինչև հաջորդ` 2022թ.–ի հունվարի 30–ը, ըստ արևելյան օրացույցի, աշխարհում կտիրի կայունություն և արդարություն։ Եվ  մենք բոլորս կկարողանանք շունչ քաշել սարսափելի և անկանխատեսելի նահանջ տարուց հետո։ «Նովոստի–Արմենիա» գործակալությունը բազմաթիվ անգամ ներկայացրել է` ինչպես պետք է գցել ամանորյա սեղանը, ինչպես ուրախացնել մտերիմներին ու ընկերներին ոչ թանկարժեք, բայց հաճելի նվերներով։ Իսկ հիմա ուզում ենք խոսել այն մասին, թե ինչպես պետք է դիմավորել գալիք տարին, և ինչ է նախընտրում 2021թ.–ի խորհրդանիշը` Սպիտակ Մետաղական Ցուլը։

кошелек белый бык

Ինչպիսի՞ն կլինի գալիք` 2021թ.–ը

Ըստ լեգենդի, Ցուլը 12 կենդանիներից երկրորդն էր, որ հրավիրվել էր Բուդդայի տոնին։ Ցուլին բնորոշ են այնպիսի գծեր, ինչպիսիք են համառությունը, հաստատակամությունը, նպատակասլացությունը, պատասխանատվությունն ու աշխատասիրությունը։ Նա գիտի` ինչ է ուզում և հաստատակամ շարժվում է իր նպատակի ուղղությամբ։ Ցուլին դժվար է շեղել ճանապարհից։ Ցուլն ազնվաբարո կենդանի է։ Լինելով ազնիվ ու բաց` տանել չի կարողանում անտեղի իրարանցումը, հնարամտությունն ու սուտը։ Ցուլն իր մեծահոգությամբ կաջակցի նրանց, ովքեր կխաղան կանոններով` չվախենալով համառ աշխատանքից։ Նման մարդիկ 2021թ.–ին կհասնեն հաջողության բոլոր ոլորտներում` ֆինանսական, քաղաքական, գործնական, ընտանեկան։

Աստղերը խոստանում են, որ կայուն Ցուլի 2021թ.–ը կնվազեցնի ընդհանուր լարվածությունն աշխարհում, որն առաջացել է լոկալ պատերազմների և կորոնավիրուսի պատճառով։ Գալիք տարվա էներգիան բարենպաստ է կարիերայի աճի, խոշոր գործարքների, համարձակ նախագծերի իրագործման, ինչպես նաև ընտանիք ստեղծելու համար։ Ցուլի սպիտակ գույնը մարմնավորում է մտադրությունների մաքրությունը, անկեղծությունն ու արդարությունը։ Իսկ մետաղի տարերքը բնորոշում է տոկունություն և հուսալիություն։ Այսպիսով, Սպիտակ Մետաղական Ցուլի տարին հաջող ժամանակաշրջան է ինչ–որ նոր բան ստեղծելու, արդեն գոյություն ունեցողը պահպանելու և ընդլայնելու համար։ 2021թ.–ի խորհրդանիշի նշանաբանն է չընկրկել դժվարությունների առջև` դրսևորելով կամքի և հոգու ուժ։ Տարվա խորհրդանիշի դրական էներգետիկան գրավելու համար պետք է հետևել նրա հինգ կանոններին.

кошелек белый бык

1. Ընտանեկան ավանդույթներ և արժեքներ

Ցուլն ընտանի, հոտային կենդանի է։ Նրա համար կարևոր է ընտանիքն ու ընտանեկան օջախի ջերմությունը։ Այդ պատճառով 2021թ.–ը դիմավորելու համար կատարյալ տարբերակ է ընտանեկան տոնի ջերմ մթնոլորտը։ Ընտանեկան արժեքների և ավանդույթների հարցում Ցուլը պահպանողական հայացքներ ունի։ Ամանորյա սեղանի շուրջ պետք է ներկա լինեն ամենամտերիմ, թանկ մարդիկ, ընտանեկան ցեղի ներկայացուցիչները։

2. Առաջնահերթ է պրակտիկությունը

Ցուլին բնորոշ չէ պարծենկոտությունն ու մեծամտությունը։ Հանգիստ և ինքնավստահ կենդանին կարիք չունի լրացուցիչ ցուցադրել իր առավելությունները։ Այդ պատճառով տոնին նախապատրաստվելիս` նվերների, հագուստի, ամանորյա զարդերի հարցում պետք է լինել պրակտիկ։ Որպես ամանորյա նվեր կարելի է ընտրել կենցաղային տեխնիկա, գաջեթներ, որակյալ և հարմարավետ տնային տեքստիլ, ինչպես նաև ֆիթնես ակումբի, վարպետության դասերի աբոնեմենտներ, կազդուրիչ պրոցեդուրաների սերտիֆիկատներ և այլն։

кошелек белый бык

3. Դասականն ու էկոլոգիականն առաջնային են

Ցուլը չի սիրում պճնամոլություն, վառ գույներ, այդ պատճառով հագուստ, ամանորյա սեղանի և ինտերիերի զարդեր ընտրելիս խորհուրդ է տրվում խուսափել շքեղությունից, «ճչացող», էժանագին զարդերից։ Եվ ոչ մի կարմիր։ Ցուլի սրտով կլինի խիստ դասականը` սպիտակ սփրոցն ու անձեռոցիկները, գեղեցիկ սպասքն ու մոմակալները և էկո ոճը` եղևնու ճյուղերից պատրաստված կոմպոզիցիաներ` զարդարված ոսկեզօծ և արծաթազօծ գնդիկներով, կոներից և այլ բնական նյութերից պատրաստված կոմպոզիցիաներ։ Ինտերիերի համար ցանկալի է ընտրել հանգիստ և «խաղաղ» գունային գամմա` բաց տոների, օրինակ, բեժագույն, փղոսկրի գույն, ինչպես նաև բնական գույներ` սուրճի, խոտի, փայտային, ավազի գույներ։

4. Պարզություն և բազմազանություն

Ցուլը սիրում է ուտել, բայց նախընտրում է հասարակ և օգտակար սնունդ։ Նա հյուրընկալ է և առատաձեռն, սակայն հակված չէ որկրամոլության և չափազանց շքեղության։ Այդ պատճառով ամանորյա սեղանին պետք է լինեն բազմազան, բայց պարզ ու հասարակ ճաշատեսակներ` կանաչեղեն, բանջարեղեն, միրգ, պանիր։ Լավ կլինի, եթե տոնական սեղանին լինեն ավանդական ընտանեկան բաղադրատոմսերով պատրաստված ճաշատեսակներ` աղցաններ, թռչնամսից և ձկնեղենից պատրաստված ուտեստներ։ Եվ հասկանալի պատճառով ամանորյա սեղանին չպետք է լինեն տավարի կամ հորթի մսից պատրաստված ճաշատեսակներ, հակառակ դեպքում կարող եք բարկացնել տարվա խորհրդանիշ Ցուլին։

кошелек белый бык

5. Մաքրություն և կարգուկանոն ամեն ինչում

Ցուլը խոշոր կենդանի է, նրան հարկավոր է շատ տարածք, որն ազատված է անպետք իրերից։ Ամենուր պետք է լինի մաքուր, անպայման մի լավ մաքրեք տունը տոնից առաջ։ Բացի այդ, կարգուկանոն պետք է հաստատել նաև ֆինանսական հարցերում` վերադարձնել պարտքերը, վճարել վարկերն ու կոմունալները, լուծել վիճահարույց հարցերը։ Եթե ուզում եք ամբողջ տարվա ընթացքում չբախվել ֆինանսական խնդիրների հետ, ապա հետևեք, որ Ամանորի գիշերը ձեր դրամապանակում լինի կանխիկ գումար` թե թղթադրամ, թե մետաղադրամ, ոչ թե միայն պլաստիկ քարտեր։

Եվ վերջում ամենակարևորի մասին`  Ամանորը միշտ դիմավորեք հանգիստ հոգով` ազատվելով ցավից, վիրավորանքից և վեճերից։ Գլխից հանեք բոլոր մանր–մունր հարցերը։ Թող ձեր մտքերը լինեն մաքուր, իսկ մտերիմների նկատմամբ վերաբերմունքը` բարի ու ազնիվ։ Դա վեհանձն և մեծահոգի Ցուլի գլխավոր պայմանն է ու երջանկության, ուրախության և բարեկեցության գլխավոր երաշխավորը գալիք տարում։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
12:44
17 Մայիսի 2022
Քիմ Քարդաշյանի շքեղ լուսանկարները զարդարել են Sports Illustrated Swimsuit հեղինակավոր ամսագրի շապիկը (ՖՈՏՈ)
Քիմ Քարդաշյանի շքեղ լուսանկարները զարդարել են Sports Illustrated Swimsuit հեղինակավոր ամսագրի  շապիկը. ՖՈՏՈ
15:26
13 Մայիսի 2022
Ինչպե՞ս և որքա՞ն ջուր խմել օրական` նիհարելու համար
Ինչպե՞ս և որքա՞ն ջուր խմել օրական` նիհարելու համար
10:35
13 Մայիսի 2022
4 մլն անգամ ավելի մեծ է, քան մեր Արևը. հրապարակվել է մեր գալակտիկայի կենտրոնում հայտնաբերված սև խոռոչի առաջին պատկերը (ՖՈՏՈ)
4 մլն անգամ ավելի մեծ է, քան մեր Արևը. հրապարակվել է մեր գալակտիկայի կենտրոնում հայտնաբերված սև խոռոչի առաջին պատկերը. ՖՈՏՈ
16:08
10 Մայիսի 2022
Սնվելու վատ սովորություններ, որոնք խանգարում են նիհարել
Սնվելու վատ սովորություններ, որոնք խանգարում են նիհարել
19:49
07 Մայիսի 2022
Կրիշտիանո Ռոնալդուն և Ջորջինա Ռոդրիգեսը հրապարակել են նորածին դստեր լուսանկարն ու նշել անունը (ՖՈՏՈ)
Կրիշտիանո Ռոնալդուն և Ջորջինա Ռոդրիգեսը հրապարակել են նորածին դստեր լուսանկարն ու նշել անունը. ՖՈՏՈ
10:51
05 Մայիսի 2022
Ինչպես նիհարել 10 կգ 7 օրում. շատ պարզ և արդյունավետ դիետա
Քաշի նվազեցման խնդիրը միշտ արդիական է, շատ աղջիկներ և կանայք անընդհատ փորձում են տարբեր սննդակարգեր` ցանկալի արդյունքի հասնելու համար
14:25
29 Ապրիլի 2022
Ունե՞ք բարձր զարկերակային ճնշում, օգտագործեք այս տասը սննդամթերքը
Հիպերտոնիան կամ բարձր զարկերակային ճնշումը ամենատարածված սիրտ–անոթային հիվանդություններից է
16:06
28 Ապրիլի 2022
Չմոռացվող օրեր. Մենչը Հայկոյի հետ լուսանկար է հրապարակել (ՖՈՏՈ)
Չմոռացվող օրեր. Մենչը Հայկոյի հետ լուսանկար է հրապարակել. ՖՈՏՈ
11:10
26 Ապրիլի 2022
Ռուսաստանն ավելացնում է դեպի Հայաստան իրականացվող չվերթերը
Ռուսաստանն ավելացնում է դեպի Հայաստան իրականացվող չվերթերը
10:33
26 Ապրիլի 2022
Բանանը չի գիրացնում. ինչպես և երբ պետք է ուտել միրգը
Գաղտնիք չէ, որ մրգերը պարունակում են օգտակար նյութերի և հանքանյութերի հսկայական քանակություն։ Սակայն ոչ բոլորն են հիշում, որ ամեն ինչ օգտակար է չափի մեջ
20:32
25 Ապրիլի 2022
Երևանի կենդանաբանական այգում 11 տարվա մեջ առաջին անգամ էգ առյուծ է ծնվել (ՖՈՏՈ)
Երևանի կենդանաբանական այգում 11 տարվա մեջ առաջին անգամ էգ առյուծ է ծնվել, ինչպե՞ս կանվանակոչեն նրան ՖՈՏՈ
16:37
25 Ապրիլի 2022
5 «անվնաս» մթերք, որոնք թունավորում են օրգանիզմը
5 «անվնաս» մթերք, որոնք թունավորում են օրգանիզմը