ԵՐԵՎԱՆ, 31 մարտի./Նովոստի-Արմենիա/. Ռոսպոտրեբնադզորի Համաճարակաբանության կենտրոնական գիտահետազոտական ինստիտուտի մասնագետները մշակել են բարձր ճշգրտությամբ թեստ՝ COVID-19-ի ախտորոշման համար, հաղորդում է ՌԲԿ-ն՝ հղում անելով վարչության մամուլի ծառայությանը:
Загружается новость ... "Лево"
Ռոսպորտեբնադզորից նշում են, որ ախտորոշիչ թեստերը հաջողությամբ անցել են կլինիկական ստուգում և մարտի 25-ին գրանցվել՝ ՌԴ տարածքում օգտագործման համար:
Հաղորդագրության մեջ նշվում է, որ նոր թեստը համապատասխանում է զգայունության և առանձնհատկության բոլոր ժամանակակից պահանջներին:
«[Թեստը] թույլ է տալիս մեկ հետազոտությամբ պարզել ոչ միայն SARS-CoV-2-ի առկայությունը, այլև տարբերակել այն SARS-CoV-ի հետ կապված մյուս վիրուսներից, ինչպես նաև MERS-Cov-ից»,- նշում են Ռոսպոտրեբնադզորից:
Մարտի 28-ին Ռուսաստանի դաշնային կենսաբժշկական գործակալության ղեկավար Վերոնիկա Սկվորցովան հայտնել է կորոնավիրուսի բուժման համար նախատեսված նոր դեղոմիջոցի ստեղծման մասին: Այն պատրաստվել է մալարիայի կանխարգելման և բուժման համար նախատեսված «Մեֆլոխին» դեղամիջոցի հիման վրա:
Վերջին տվյալներով, Ռուսաստանում կորոնավիրուսով վարակվել է 1836 մարդ: Մահվան ելքով դեպքերի թիվը կազմում է 11, բուժվել է 66 մարդ: Ամենալուրջ դրությունը այս պահին Մոսկվայում է, այստեղ արձանագրվել է 1,2 հազ. վարակման դեպք և 7 մահ: -0-