ՌԴ-ում հաջողությամբ ավարտվել է COVID-19-ի դեմ պատվաստանյութի նախակլինիկական փորձարկումը

ԵՐԵՎԱՆ, 11 հուլիսի./Նովոստի-Արմենիա/. Ռոսպետրոբնադզորի վարակաբանության և կենսատեխնոլոգիայի «Վեկտոր» պետական գիտական կենտրոնը հաջողությամբ ավարտել է կորոնավիրուսի դեմ պատվաստանյութի նախակլինիկական հետազոտությունները:

Այս մասին հայտնել է Ռոսպոտրեբնադզորի ղեկավար Աննա Պոպովան «Վեստի» հաղորդաշարի շրջանակում«Россия-1» հեռուստաալիքի եթերում, հաղորդում է ՏԱՍՍ-ը:

«Գործընկերներս ավարտել են նախակլինիկական հետազոտությունները: Դրանք հաջողությամբ են անցել: Եվ մենք գարծնականում ունենք բոլոր հիմքերը համոզված լինելու, որ ինչպես և խոստացել ենք` հուլիսի 15-ին նախատեսում ենք անցնել կլինիկականի»,- հայտնել է Պոպովան:

Ավելի վաղ ՌԴ փոխվարչապետ Տատյանա Գոլիկովան հայտնել էր, որ նոր կորոնավիրուսային վարակի դեմ պատվաստանյութի ստեղծումը Ռուսաստանում ընթանում է երկրի կառավարության կողմից սահմանված գրաֆիկով:

Պատվաստանյութ երեխաների համար

Պոպովայի խոսքով, քիչ հավանական է, որ երեխաների համար կորոնավիրուսի դեմ պատվաստանյութը 2020թ.-ից շուտ հայտնվի, այս մասին խոսելը դեռ վաղ է: 

Պոպովան պարզաբանել է, որ երեխաների մոտ իսկապես իմունիտետ է ձևավորվում կորոնավիրուսային վարակի դեմ:

«Թեթև կամ ծանր [հիվանդության ընթացքի] անցնելու մասին այսօր խոսելն այնքան հեշտ չէ, որքան սկզբում էր, երբ հաստատված դեպքեր չունեինք»,- հավելել է նա: -0-