ԵՐԵՎԱՆ, 5 ապրիլի./Նովոստի-Արմենիա/. Կորոնավիրուսով վարակվածներից յուրաքանչյուրը վարակը փոխանցում է ևս երեք անձի, այդ շղթան պետք է ընդհատի ինքնամեկուսացումը: Այս մասին հայտնել է Ռոսպոտրեբնադզորի ղեկավար Աննա Պոպովան «Россия 1» հեռուստաալիքով «Մոսկվա. Կրեմլ. Պուտին» հաղորդման շրջանակում:
Загружается новость ... "Лево"
«Այդ հովհարային շղթան պետք է ընդհատվի: Անել դա հնարավոր է միայն մարդկանց «իրարից առանձնացնելու» դեպքում: Եթե թույլ չտանք իրավիճակի զարգացում, վարակը «կորցնում է իր զորությունն ու իշխանությունը մեզ վրա և դադարում գրավել նոր տարածքներ»»,- նշել է Պոպովան:
Մարտի 16-ից ապրիլի 14-ը Հայաստանում, կորոնավիրուսի տարածումը կանխելու նպատակով, գործում է արտակարգ դրություն: Արտակարգ դրության պայմաններում Հայաստանում ազատ տեղաշարժի և տնտեսական գործունեության որոշ տեսակների սահմանափակումները (նախկինում գործում էր մարտի 24-ից մարտի 31-ը) երկարաձգվել են մինչև ապրիլի 12-ը ներառյալ:
Ապրիլի 5-ի դրությամբ՝ Հայաստանում կա կորոնավիրուսով վարակման 822 հաստատված դեպք։ Բուժվել է 57 մարդ, փաստացի բուժում է ստանում 758 մարդ, բացասական թեստերի թիվը` 3844, մահացել է, ցավոք, 7 մարդ։-0-
