COVID-19-ի դեմ առաջին ռուսական պատվաստանյութը պատրաստ է
ԵՐԵՎԱՆ, 21 հուլիսի./Նովոստի-Արմենիա/. ՌԴ պաշտպանության նախարարի առաջին տեղակալ Ռուսլան Ցալիկովը «Аргументы и факты»-ին հայտնել է կորոնավիրուսի դեմ առաջին ռուսական պաստվաստանյութի պատրաստ լինելու մասին:
«Կամավորները գտնվում էին Գլխավոր ռազմական կլինիկական հոսպիտալի փորձառու մասնագետների մշտական հսկողության ներքո: Կամավորների առաջին խմբի՝ հիվանդանոցում գտնվելու ժամկետն ավարտվել է և հուլիսի 15-ին ստուգիչ անալիզներից հետո դուրս գրվել: Մեր կամավորների 2-րդ խումբը հուլիսի 20-ին ավարտել է կլինիկական փորձարկումներին մասնակցելու երկրորդ փուլը»,- նշել է Ցալիկովը:
Նրա խոսքով, Պաշտպանության նախարարության և Ազգային հետազոտական կետրոնի գիտնականների կողմից փորձարկումների արդյունքների վերջնական գնահատականներն արդեն արվել են: Դուրս գրման պահին առանց բացառության բոլոր կամավորները, նոր կորոնավիրուսի դեմ իմունիտետ ստանալով, իրենց լավ էին զգում: Այդպիսով, նոր կորոնավիրուսային վարակի դեմ ազգային պատվաստանյութը պատրաստ է: -0-
