Ռուբինյանը ՌԴ դեսպանին հայտնել է ՀՀ ԱԺ-ի՝ կառուցողական երկխոսությունը շարունակելու պատրաստակամության մասին
ԵՐԵՎԱՆ, 24 օգոստոսի․/Նովոստի-Արմենիա/․ ՀՀ Ազգային ժողովի նախագահ Ռուբեն Ռուբինյանը երկուշաբթի ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ հանդիպմանը ընդգծել է, որ ՀՀ ԱԺ-ն մտադիր է շարունակել կառուցողական երկխոսությունը և զարգացնել երկարաժամկետ, փոխշահավետ համագործակցությունը:
Քննարկվել են Հայաստանի և Ռուսաստանի միջև միջխորհրդարանական համագործակցության հետագա խորացմանն ու ընդլայնմանը վերաբերող հարցեր:
Կողմերն ընդգծել են ՀՀ ԱԺ և ՌԴ Դաշնային ժողովի միջև համագործակցության միջխորհրդարանական հանձնաժողովի գործունեության կարևորությունը՝ բարձր գնահատելով համատեղ աշխատանքը:
Ինչպես հայտնում է խորհրդարանի մամուլի ծառայությունը, զրուցակիցները համոզմունք են հայտնել, որ երկկողմ համագործակցության զարգացումը նպաստելու է փոխադարձ հետաքրքրություն ներկայացնող հարցերի լայն շրջանակի արդյունավետ լուծմանն ուղղված համատեղ ջանքերին:
