Հայաստանի կայուն էներգետիկայի ֆինանսավորման հիմնադրամ է բացվել Երևանում
Վերակառուցման և զարգացման եվրոպական բանկի (ՎԶԵԲ) վարկային միջոցներով Հայաստանի կայուն էներգետիկայի ֆինանսավորման հիմնադրամ (ArmSEFF) է ներկայացվել չորեքշաբթի Երևանում։
«ArmSEFF ծրագրի համար նախատեսված ՎԶԵԲ-ի վարկային գծի ընդհանուր ծավալը կազմում է 25 մլն դոլար, որից 20 մլն դոլարը հատկացվել է էներգամատակարարման ծրագրին, իսկ 5 մլն-ի միջոցները կտրամադրվեն վերականգնվող էներգետիկայի ծրագրերին»,- ասաց ՎԶԵԲ-ի երևանյան գրասենյակի ղեկավար Վալերիու Ռազլոգը։
ArmSEFF-ին տրամադրվող վարկային գիծը նախատեսված է էներգաարդյունավետության բարելավման ներդրումային ծրագրերի ֆինանսավորման համար արտադրողական ճյուղում և էներգիայի վերականգնվող աղբյուրների միջոցով էներգիայի արտադրմանը։ Հատուկ վարկերը հնարավորություն կտան ներդրումներ իրականացնել, որոնց շնորհիվ կբարձրանա էլեկտրական և ջերմային էներգիայի օգտագործման արդյունավետությունը, ինչը կնպաստի մինչև 4 ԳՎտ/ժամ տարեկան էլեկտրաէներգիայի տնտեսմանը և մոտ 2200 ածխաթթու գազի արտանետումների կրճատմանը։
Ռազլոգի խոսքերով, ընկերությունները պետք է դիտարկեն էներգախնայողության նախագծերը ոչ միայն դրամային տնտեսման տեսանկյունից, այլ նաև դրանց մրցունակության ներուժի բարձրացման տեսանկյունից միջնաժամկետ և երկարաժամկետ հեռանկարում։
«Վերջին մի քանի տարիների ընթացքում Հայաստանում էներգիայի պահանջարկը տատանվել է, մինչդեռ էներգետիկ հատվածում կատարվող ներդրումները շատ կարևոր են ինչպես մատակարարումների, այնպես էլ ռեսուրսների առավելագույնս արդյունավետ օգտագործման համատեքստում»,- ասաց նա։
1992 թվականից առայսօր ՎԶԵԲ-ը Հայաստանում իր գործունեության շրջանակներում ավելի քան 414 մլն եվրո է ներդրել ֆինանսական, ձեռնարկատիրական, էներգետիկ ճյուղերի 87 նախագծերում և ենթակառուցվածքների մասով։ -0-
