Հայաստանն ու Ռուսաստանը կարող են տնտեսական հարաբերությունների կառուցման նոր փուլ սկսել. ՀՀ վարչապետ
Հայաստանն ու Ռուսաստանը կարող են տնտեսական հարաբերությունների կառուցման նոր փուլ սկսել, РБК-ին տված հարցազրույցի ժամանակ ասել է ՀՀ վարչապետ Տիգրան Սարգսյանը։
Նրա խոսքրով, ՀՀ կառավարության գլխավոր ռազմավարությունը Ռուսաստանի նկատմամբ տնտեսական փոխհարաբերությունները քաղաքական մակարդակի հասցնելն է։
«Դրա համար հսկայական ներուժ կա, որը բավականաչափ գործադրված չէ։ ՌԴ նախագահի` Հայաստան այցի փաստը միջազգային ֆինանսական ճգնաժամի ժամանակահատվածում ինքնին շատ բանի մասին է վկայում։ Այցի արդյունքները հաստատում են, որ մենք կարող ենք տնտեսական հարաբերությունների կառուցման նոր փուլ սկսել»,- ասել է հայկական կառավարության ղեկավարը։
Նրա խոսքերով, գոյություն ունեցող ծրագրերին անհրաժեշտ է ավելացնել նոր բաղկացուցիչ՝ համատեղ նորարարական նախագծեր։ «Այսօր գիտությունը ժամանակակից տնտեսության հիմնական բաղկացուցիչն է։ Մեր ավանդական գիտական կապերը Ռուսաստանի հետ պետք է վերաիմաստավորվեն դրանց կիրառական բնույթ հաղորդելու նպատակով, ինչը համահունչ է ինչպես ռուսական, այնպես էլ հայկական կառավարությունների գերակայություններին»,- ասաց Սարգսյանը։ --0--
