2008թ. սկզբից Երևանում գրանցվել է շտապ օգնության շուրջ 117 հազար կանչ. քաղաքապետարան
ԵՐԵՎԱՆ, 3 նոյեմբերի. /Նովոստի-Արմենիա/. 2008թ. սկզբից Երևանում գրանցվել է շտապ օգնության 116803 կանչ, երկուշաբթի մամուլի ասուլիսում հայտարարեց Երևանի քաղաքապետարանի Առողջապահության և սոցիալական ապահովության վարչության պետ Արմեն Սողոյանը։
«Կանչերի աճը 2007թ. նույն ցուցանիշի համեմատ կազմում է ընդամենը 1 տոկոս, ինչը վկայում է այն մասին, որ մայրաքաղաքում չեն գրանցվել հիվանդությունների կամ համաճարակների բռնկումներ»,- ասաց Սողոյանը։
Նա տեղեկացրեց նաև, որ ներկայումս ՀՀ առողջապահության նախարարությունում քննարկվում է հանրապետությունում «շտապ օգնության» մեքենաների պարկի համալիր նորացման ծրագիրը։
«Ծրագրերի շրջանակներում նախատեսվում է ամբողջովին արդիականացնել «շտապ օգնության» մեքենաների պարկը, այդ թվում՝ լիովին կնորացվեն մեքենաները, բժշկական սարքավորումներն ու կապի միջոցները»,- ասաց Սողոյանը։
Սողոյանը նշեց, որ «շտապ օգնության» մեքենաների պարկի նորացման վերջնական ծրագիրը կներկայացվի կառավարություն։ -0-
