«Գազպրոմբանկը» մտադիր է մինչև տարեվերջ ձեռք բերել «Առէկսիմբանկը». ՀՀ ԿԲ նախագահ
ԵՐԵՎԱՆ, 30 հոկտեմբերի./Նովոստի-Արմենիա/. Ռուսական «Գազպրոմբանկը» մտադիր է մինչև տարեվերջ ձեռք բերել «Առէկսիմբանկը», երեքշաբթի «Նովոստի-Արմենիային» տեղեկացրեց ՀՀ ԿԲ նախագահ Տիգրան Սարգսյանը։
«Մենք հուսով ենք, որ այս գործարքը տեղի կունենա մինչև տարեվերջ»,- ասաց Սարգսյանը։
Նրա տվյալներով, «Գազպրոմբանկը» հայտ է ուղարկել Ռուսաստանի Բանկ, որպեսզի այս գործարքն իրականացնելու թույլտվություն ստանա։ Տ. Սարգսյանի խոսքերով, ՀՀ Կենտրոնական բանկի կողմից նույնպես դրական բանակցություններ են վարվում ռուսական բանկի հետ։
«Առէկսիմբանկ» ՓԲԸ-ն հիմնադրվել է 1998թ. օգոստոսին։ Բանկը սպառողական վարկերի տրամադրման և ֆիզիկական անձանց՝ առանց հաշիվ բացելու փոխանցումների գծով առաջատարն է, 10 մասնաճյուղեր ունի Երևանում և Հայաստանի մարզերում։
Բանկը VISA International և MasterCard International միջազգային վճարման համակարգերի հիմնական անդամն է։ --0—
