549.25
6.64
475.91
+13
Եղանակը Երևանում
Հայ

Արցախի նախկին նախագահներ Բակո Սահակյանն ու Արկադի Ղուկասյանը պատասխանել են պատերազմի մասին Փաշինյանի գրառումներին

18:35
01 Դեկտեմբերի 2020

ԵՐԵՎԱՆ, 1 դեկտեմբերի./Նովոստի–Արմենիա/. Արցախի նախկին նախագահներ Արկադի Ղուկասյանն ու Բակո Սահակյանը արձագանքել են Հայաստանի վարչապետ Նիկոլ Փաշինյանի անցած երկու օրերին արած գրառումներին։ 

Փաշինյանի հայտարարությունների մասին

ՀՀ վարչապետ Նիկոլ Փաշինյանը նոյեմբերի 29–ին Facebook–յան իր էջում գրառում է արել, որում անդրադարձել է Արցախի շուրջ նոյեմբերի 9-ի հայտարարության ստորագրման նախադրյալների և այդ քայլի հնարավոր հետևանքների մասին: Մասնավորապես, վարչապետի խոսքով, 2011 թվականին Կազանում Հայաստանը պատրաստ է եղել հանձնել 7 շրջանները՝ Ղարաբաղի միջանկյալ կարգավիճակի և կարգավիճակի հարցով հետագա հանրաքվեի դիմաց, բայց Ադրբեջանը չի համաձայնվել և նորանոր պահանջներ է առաջ քաշել: Բացի այդ, ինչպես հայտնել է Փաշինյանը, 2018 թվականի դրությամբ Ղարաբաղի հարցը փակուղում էր, որից միայն մեկ ելք կար՝ տարածքների անվերապահ հանձնում, ընդ որում, առանց երաշխիքի, որ Ադրբեջանը նոր պահանջներ առաջ չի քաշելու:

Նոյեմբերի 29–ին արված իր երկրորդ գրառմամբ, վարչապետը բացատրել է, թե ինչու պատերազմն Արցախում չի ավարտվել հոկտեմբերի 19-ին՝ փոխանցելով ՌԴ նախագահ Վլադիմիր Պուտինի հետ հեռախոսազրույցների բովանդակությունը և ինչպես նաև արտախորհրդարանական և Անվտանգության խորհրդի հետ քննարկումների ընթացքը:

Հաջորդ օրը` նոյեմբերի 30–ին վարչապետն արել է նոր գրառում` շարունակելով ներկայացնել Արցախի պատերազմի ժամանակ տեղի ունեցած իրադարձությունները, որոնցում այս անգամ ներկայացված էին Արցախի և Հայաստանի նախկին նախագահներ Արկաի Ղուկասյանը, Բակո Սահակյանը, Լևոն Տեր–Պետրոսյանն ու Ռոբերտ Քոչարյանը։

Загружается новость ... "Лево"

Արկադի Ղուկասյանի և Բակո Սահակյանի պատասխաանը

«Նովոստի–Արմենիա» գործակալությունը ներկայացնում է նախագահների հայտարարության ամբողջական տեքստը, որը հրապարակվել էilur.am հրատարակության կայքում։

«Թանկագին հայրենակիցներ,

Սույն թվականի նոյեմբերի 29-ին և 30-ին Հայաստանի Հանրապետության վարչապետ Նիկոլ Փաշինյանն իր ֆեյսբուքյան գրառումներում նշել է, որ հոկտեմբերի 19-ին իրեն զանգահարել էր Արցախի Հանրապետության նախագահ Արայիկ Հարությունյանը և ասել, որ պետք է կանգնեցնել պատերազմը, նշելով նաև, որ այս տեսակետը փոխանցում է ոչ միայն իր, այլև ՀՀ և ԼՂՀ պաշտոնաթող նախագահներ Արկադի Ղուկասյանի, Բակո Սահակյանի, Ռոբերտ Քոչարյանի, Սերժ Սարգսյանի, Լևոն Տեր-Պետրոսյանի անունից:

Ուզում ենք տեղեկացնել ձեզ, որ մենք պատերազմի սկզբից ի վեր մշտական կապի մեջ էինք Արցախի գործող նախագահ Արայիկ Հարությունյանի հետ, քննարկում էինք պատերազմի ընթացքը, խաղաղ բանակցային գործընթացի վերականգնման հնարավորությունները և այլ հարցեր:

Հետևելով ռազմական գործողությունների ընթացքին, ունենալով բազմաթիվ հանդիպումներ և խորհրդակցություններ պատերազմին մասկանցող ռազմական գործիչների, հրամանատարների և մարտիկների հետ՝ մենք եկանք այն եզրակացության, որ անհրաժեշտ է միջոցներ ձեռնարկել պատերազմն անհապաղ կանգնեցնելու ուղղությամբ, ինչի մասին բազմիցս հայտնել ենք Արցախի Հանրապետության գործող նախագահ Արայիկ Հարությունյանին՝ հորդորելով նրան դիմել ՀՀ վարչապետին և ԵԱՀԿ Մինսկի խմբի եռանախագահությանը:

Հոկտեմբերի 18-ին Արայիկ Հարությունյանը նույնպես եկավ այս եզրահանգմանը և դիմեց մեր աջակցությանն այս հարցում՝ ստանալով մեր համաձայնությունը: Պատերազմական գործողությունների դադարեցումը կարևորել են նաև Հայաստանի Հանրապետության պաշտոնաթող նախագահներ Լևոն Տեր-Պետրոսյանը, Ռոբերտ Քոչարյանը և Սերժ Սարգսյանը:

Հոկտեմբերի 19-ին Արցախի Հանրապետության նախագահ Արայիկ Հարությունյանը պատերազմի դադարեցման և ԵԱՀԿ Մինսկի խմբի շրջանականերում բանակցային գործընթացի վերսկսման վերաբերյալ համապատասխան նամակներ էր պատրաստել՝ ուղղված ԵԱՀԿ Մինսկի խմբի համանախագահող երկրների նախագահներին և ՀՀ վարչապետին: Սակայն, վարչապետ Փաշինյանը պատճառաբանեց, որ Ադրբեջանի քաղաքականության հետևանքով ստեղծված իրավիճակի պայմաններում սույն նամակների հղումը կորցրել է իր նպատակահարմարությունը: Սա է ամբողջ ճշմարտությունը:

Ինչ վերաբերում է ՀՀ վարչապետի այն գրառումներին, որոնք չեն համապատասխանում իրականությանը, ապա ավելորդ շահարկումներից ու անհիմն քննարկումներից խուսափելու համար այս պահի դրությամբ նպատակահարմար ենք գտնում դրանց չանդրադառնալ:

 

Ստորև ներկայացնում ենք այդ նամակների տեքստերը:

Հայաստանի Հանրապետության վարչապետ Նիկոլ Փաշինյանին

Մեծարգո Նիկոլ Վովայի,

Խորհրդակցելով Արցախի Հանրապետության Ազգային ժողովի բոլոր խմբակցությունների հետ և ստանալով նրանց միաձայն համաձայնությունը ս.թ. հոկտեմբերի 19-ին նամակ-կոչով դիմել եմ ԵԱՀԿ Մինսկի խմբի համանախագահող երկրների ղեկավարներին տարածաշրջանում ընթացող լայնածավալ ռազմական գործողությունների հետևանքով ստեղծված մարդասիրական աղետի պայմաններում պատերազմն անհապաղ դադարեցնելու առաջարկով:

Վերահաստատել եմ պաշտոնական Ստեփանակերտի՝ ԵԱՀԿ Մինսկի խմբի համանախագահության կողմից նախկինում առաջարկված և քննարկված փաստաթղթերի ու սկզբունքների շրջանակներում բանակցային գործընթացը վերսկսելու պատրաստակամությունը: Հայաստանի Հանրապետությունն Արցախի Հանրապետության անվտանգության հիմնական երաշխավորն է և հաշվի առնելով, որ Արցախի Հանրապետությունը փաստացի չի մասնակցում բանակցային գործընթացին, ստանալով ԱՀ ԱԺ բոլոր խմբակցությունների համաձայնությունը դիմում եմ Ձեզ՝ գործադրելու բոլոր հնարավոր ջանքերը ԵԱՀԿ Մինսկի համանախագահության կողմից նախկինում առաջարկված և քննարկված փաստաթղթերի հիման վրա պատերազմական գործողություններն անհապաղ կասեցնելու և բանակցային գործընթաց վերսկսելու ուղղությամբ։

Խորին հարգանքով՝ Արցախի Հանրապետության նախագահ Արայիկ Հարությունյան

ԵԱՀԿ Մինսկի խմբի համանախագահող երկրների ղեկավարներին Ռուսաստանի Դաշնության մեծարգո նախագահ պարոն Վլադիմիր Պուտին, Ամերիկայի Միացյալ Նահանգների մեծարգո նախագահ պարոն Դոնալդ Թրամփ, Ֆրանսիայի Հանրապետության մեծարգո նախագահ պարոն Էմանուել Մակրոն

Հաշվի առնելով տարածաշրջանում ընթացող լայնածավալ պատերազմական գործողությունները, երկու կողմերից հազարավոր զոհերի և վիրավորների առկայությունը, որն արդեն իսկ հանգեցրել է մարդասիրական աղետի՝ դիմում եմ Ձեզ և որպես Արցախի Հանրապետության ընտրված նախագահ կոչ եմ անում ձեռնարկելու բոլոր անհրաժեշտ քայլերը պատերազմական գործողություններն անհապաղ կասեցնելու և բանակցային գործընթացը վերսկսելու ուղղությամբ:

Պաշտոնական Ստեփանակերտը մշտապես կողմնակից է եղել ԵԱՀԿ Մինսկի խմբի շրջանակներում ադրբեջանա-ղարաբաղյան հակամարտության խաղաղ կարգավորմանը: Վերահաստատում ենք ԵԱՀԿ Մինսկի խմբի համանախագահության կողմից նախկինում առաջարկված և քննարկված փաստաթղթերի ու սկզբունքների շրջանակներում բանակցային գործընթացն անհապաղ վերսկսելու մեր պատրաստակամությունը:

Խորին հարգանքով՝ Արցախի Հանրապետության նախագահ Արայիկ Հարությունյան»։

Այս հայտարարությանը կցված է նաև Արկադի Ղուկասյանի և Բակո Սահակյանի նամակը` ուղղված Արցախի նախագահ Արայիկ Հարությունյանին, որով նրանք աջակցություն են հայտնում վերջինիս նախաձեռնությանը.

«Արցախի Հանրապետության գործող նախագահ Արայիկ Հարությունյանին.— Մեծարգո Արայիկ Վլադիմիրի, Հաշվի առնելով տարածաշրջանում ընթացող լայնածավալ պատերազմական գործողությունները, երկու կողմերից հազարավոր զոհերի և վիրավորների առկայությունը, որն արդեն իսկ հանգեցրել է մարդասիրական աղետի, սույնով աջակցություն ենք հայտնում Ձեր որպես Արցախի Հանրապետության գործող նախագահի կողմից իրականացվող ջանքերին՝ ուղղված պատերազմը դադարեցնելուն և ԵԱՀԿ Մինսկի խմբի համանախագահության շրջանակներում բանակցային գործընթացը վերսկսելուն»:

Ռոբերտ Քոչարյանի գրասենյակի արձագանքը

ՀՀ նախկին նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը ևս մեկնաբանել է Փաշինյանի գրառումները։

Նոյեմբերի 29–ին Սողոմոնյանն անդրադարձել էր վարչապետի նախկին երկու գրառումներին` հայտարարելով հետևյալը. «Փաշինյանի այսօրվա երկու գրառումների մասին՝ կարճ. ինչպես միշտ, նա սուտ է խոսում։ Ավելի մանրամասն կանդրադառնանք գալիք շաբաթվա ընթացքում»։

Նոյեմբերի 30–ին Փաշինյանի արած երրորդ գրառման կապակցությամբ Սողոմոնյանը ներկայացրել է պատմություն` անեկդոտի տեսքով։

Լևոն Տեր–Պետրոսյանի գրասենյակի արձագանքը  

ՀՀ նախկին նախագահ Լևոն Տեր–Պետրոսյանի գրասենյակը կոշտ ու կտրուկ է մեկնաբանել Փաշինյանի գրառումները։–0–

Partners News
Partners News
ԱՌԿԱ գործակալություն
Բաժնի այլ նյութեր
13:48
04 Նոյեմբերի 2021
«Զանգեզուրի միջանցքի» հարցը գրեթե լուծված է.Իսկանդարյան (ՎԻԴԵՈ)
Իսկանդարյանը նշեց, որ կարևոր չէ` Փաշինյանի և Ալիևի  հանդիպումը տեղի կունենա նոյեմբերի 8–ին, 9–ին, թե 10–ին։ Կարևոր է, որ հանդիպումը վադ թե ուշ տեղի կունենա, իսկ միջանցքի հարցը քննարկվելու է, ստորագրվելու է ինչ–որ պայմանագիր.ՎԻԴԵՈ
10:15
04 Նոյեմբերի 2021
Մենք աջակցում ենք Թուրքիայի և Ադրբեջանի նախագահների կողմից առաջ քաշված գաղափարին.Զախարովան`3+3 ձևաչափի մասին
Մենք աջակցում ենք Թուրքիայի և Ադրբեջանի նախագահների կողմից առաջ քաշված գաղափարին.Զախարովան`3+3 ձևաչափի մասին
14:52
02 Նոյեմբերի 2021
ՀՀ նախագահը զրուցել է Բայդենի, Մակրոնի, Մերկելի հետ Գլազգոյում անցկացվող ՄԱԿ–ի գագաթնաժողովի շրջանակում (ՎԻԴԵՈ)
ՀՀ նախագահը զրուցել է Բայդենի, Մակրոնի, Մերկելի հետ Գլազգոյում անցկացվող ՄԱԿ–ի գագաթնաժողովի շրջանակում.ՎԻԴԵՈ
14:47
31 Հոկտեմբերի 2021
Ռուսաստանի և Թուրքիայի ԱԳ նախարարները քննարկել են Հարավային Կովկասում «3+3» մեխանիզմի գործարկումը
Ռուսաստանի և Թուրքիայի ԱԳ նախարարները քննարկել են Հարավային Կովկասում «3+3» մեխանիզմի գործարկումը
15:58
28 Հոկտեմբերի 2021
Հայաստանը պատրաստ է Ադրբեջանի հետ սահմանագծման ու սահմանազատման և սպասվում է Ադրբեջանի դրական ազդակին.ԱԽ քարտուղար
Հայաստանը պատրաստ է Ադրբեջանի հետ սահմանագծման ու սահմանազատման և սպասվում է Ադրբեջանի դրական ազդակին.ԱԽ քարտուղար
23:32
27 Հոկտեմբերի 2021
Հարավային երկաթգծի վերականգման հարց քննարկվում է. փոխվարչապետը՝ ապաշրջափակման տարբերակների մասին
Հարավային երկաթգծի վերականգման հարց քննարկվում է. Մհեր Գրիգորյանն` ապաշրջափակման տարբերակների մասին
00:02
27 Հոկտեմբերի 2021
Էրդողան. Թուրքիան պատրաստ է կարգավորել հարաբերությունները Հայաստանի հետ, եթե նա լուծի խնդիրներն Ադրբեջանի հետ
Էրդողանը հայտարարել է, որ Թուրքիան պատրաստ է կարգավորել հարաբերությունները Հայաստանի հետ, եթե նա լուծի խնդիրներն Ադրբեջանի հետ
10:48
21 Հոկտեմբերի 2021
Հայաստանի, Ռուսաստանի և Ադրբեջանի փոխվարչապետերը Մոսկվայում քննարկել են տրանսպորտային կոմունիկացիաների վերականգնման հարցերը
Հայաստանի, Ռուսաստանի և Ադրբեջանի փոխվարչապետերը Մոսկվայում քննարկել են տրանսպորտային կոմունիկացիաների վերականգնման հարցերը
16:03
18 Հոկտեմբերի 2021
Ադրբեջանը խոստացել է համարժեք պատասխանել Հայաստանի դրական քայլերին սահմանների դելիմիտացիայի հարցում
Ադրբեջանի ԱԳ նախարարը հայտարարել է, որ Ադրբեջանը համարժեք կպատասխանի Հայաստանի կողմից արված ցանկացած դրական քայլի երկու երկրների սահմանների սահմանազատման և սահմանագծման հարցում
10:16
14 Հոկտեմբերի 2021
Ադրբեջանը հերքել է Գորիս-Կապան ճանապարհին ձերբակալված իրանցի վարորդներին ազատ արձակելու լուրը
Ադրբեջանի կողմից Գորիս-Կապան ավտոճանապարհին ձերբակալած իրանցի վարորդներին ազատ արձակելու մասին տեղեկատվությունն իրականությանը չի համապատասխանում