Լեռնային Ղարաբաղի վարչապետը նոր նախարարներին ներկայացրել է նախարարությունների աշխատակիցներին
ԼՂՀ վարչապետ Արայիկ Հարությունյանը գյուղատնտեսոււթյան, կրթության և գիտության, մշակույթի և երիտասարդության հարցերի, արդարադատության, տնտեսական զարգացման, առողջապահության, սոցիալական ապահովության և քաղաքաշինության նախարարությունների աշխատակիցներին ներկայացրել է նորանշանակ նախարարներին։
Ինչպես «Նովոստի-Արմենիային» հայտնեցին ԼՂՀ կառավարության մամուլի ծառայությունից՝ վարչապետը նշել է, որ նախարարների փոփոխությունները պայմանավորված չեն նախկինների անձով ու աշխատանքով։
«Ընտրվել է նոր նախագահ, որին Սահմանադրությունը իրավունք է վերապահում ձեւավորելու կառավարության նոր կառուցվածք եւ կազմ, ըստ այդմ՝ կատարվում են այնպիսի փոփոխություններ, որոնք համահունչ են նախագահի որդեգրած կադրային քաղաքականությանը եւ նախընտրական ծրագրի ոգուն»,-ասված է հաղորդագրությունում։
ԼՂՀ նախագահ Բակո Սահակյանի՝ սեպտեմբերի 25-ի հրամանագրով հաստատված կառավարության կազմում ընդգրկվել են յոթ նոր անդամներ, ձևավորվել է նաև հանրապետության գործադիր մարմնի կառուցվածքը։--0--
